16 YACHAQANA
Kallpacharinaykipaj jinapuni parlariy
Job 16:5
KAYPI YACHAKUNKI: Mana problemasllamantachu parlayta, manaqa allin imasmanta parlarispa uyarejkunata kallpachariyta.
¿IMAYNATÁ CHAYTA RUWAWAJ?
-
Uyarejkunamanta allintapuni yuyay. Mana iskayrayanachu hermanosninchej Jehová Diosta kusichiyta munasqankumanta. Chayrayku yuyaycharinayki kajtenqa, atikusqanman jina ñaupajta imastachus allinta ruwasqankumanta parlariy.
-
Mana allin imasmanta ama anchata parlaychu. Uyarejkunata kallpacharinaykipaj jinapuni parlariy. Imatachus yachachishanki chaymanta astawan sutʼincharinallaykipaj mana allin imasmantaqa parlariy.
-
Diospa Palabranwan sumajta yanapachikuy. Jehová Dios imastachus runasrayku unay wataspi ruwasqanmanta, imastachus kay tiempopi ruwashasqanmanta, imastatajchus aswan qhepaman ruwananmanta parlariy. Parlasqaykiwanqa uyarejkunata kallpachariypuni.
