PARLAYTA QALLARIY
LECCIÓN 2
Runaswan parlarikuy
Bibliaj yuyaychasqan: “Maychus tiemponpi allinta parlayqa may sumaj” (Pro. 15:23).
Felipej ruwasqan
1. VIDEOTA qhawariy chayri Hechos 8:30, 31 leeriy. Chantá kay tapuykunapi tʼukuriy:
¿Imatá Felipemanta yachakunchej?
2. Sichus parlakusqanchejman jinalla runaswan parlarisun chayqa, paykunaqa noqanchejwan parlariyta munallanqanku, sumajtataj uyariwasun.
Felipe jina ruway
3. Sumajta qhawariyta yachay. Uj runa uyariytachus manachus munasqanta reparawaj uyanta qhawarispa, cuerponta qhawarispa. ¿Qanwan parlariyta munashanchu? Bibliamanta parlayta qallarinaykipaj ichapis kayllata tapuriwaj: “¿Yacharqankichu...?”, nispa. Mana parlayta munajtintaj ama munajta mana munajta parlachiychu.
4. Pacienciakuy. Ama yuyaychu runaswan parlayta qallarisqaykitawan chay rato Bibliamanta parlanayki kasqanta. Suyariy ima ratochus Bibliamanta parlarinayki allin kasqanta, parlarisqaykichejman jinataj Bibliamantapis parlariyta atillankichej. Wakin kutisqa ichapis chay runawan qhepanpi tinkusparaj Bibliamanta parlariyta atinki.
5. Ama wakichikusqaykiman jinapunichu parlay. Piwanchus parlarishanki chay runaqa ichapis waj imasmanta parlasunkiman. Wakichikusqayki versiculomantapuni parlanaykimantaqa, imamantachus chay runa yachayta munan chaymanta parlariy.
