REVISITASTA RUWAY
LECCIÓN 8
Pacienciakuy
Bibliaj yuyaychasqan: “Munakuyniyoj runaqa pacienciayoj” (1 Cor. 13:4).
Jesuspa ruwasqan
1. VIDEOTA qhawariy chayri Juan 7:3-5; 1 Corintios 15:3, 4, 7 leeriy. Chantá kay tapuykunapi tʼukuriy:
¿Imatá Jesusmanta yachakunchej?
2. Wakin runasqa mana chay ratochu sumaj willaykunata japʼikunku, chayrayku paykunawan pacienciakuna tiyan.
Jesús jina ruway
3. Waj jinamantañataj yachachiy. Sichus uj runa qallariypi mana estudiayta munallanchu chayqa, ama estudiananpaj tanqaychu. Ichapis allin kanman payman rikuchinayki imaynatachus Bibliata estudiachisqanchejmanta videosta chayri wakin yachaqanasta. Ichapis chaywan payqa reparanman imaynatachus Bibliata estudiay payta yanapananta.
4. Ama pitapis wajwan kikinchaychu. Mana tukuychu kikin kanchej. Sichus uj familiarninchej chayri territoriomanta pillapis mana Bibliata estudiayta munallanchu, chayri Bibliaj wakin yachachiykunasninta mana japʼikuyta munallanchu chayqa, tapurikuy imaraykuchus ajinata yuyasqanta. Ichapis uj creencianta mana saqeyta munashallanchu, chayri ichá familiaresnin, vecinosnin mana Bibliata estudiananta munashankuchu. Chayrayku paywan parlariytawan uj tiempo pasananta saqey chay parlasqaykichejpi piensarinanpaj, Bibliaj nisqantataj jatunpaj qhawananpaj.
5. Revisitaykimanta Jehovaman willariy. Jehovamanta mañakuy revisitaykimanta allinta yuyanaykipaj, nitaj paywan sutʼi simi kanaykipaj. Chantapis Jehovamanta mañakullaytaj manaña interesta churaj revisitaykita maykʼajchus saqepunaykita yachanaykipaj (1 Cor. 9:26).
