Kaypi tʼukuriy: juk qhapaq suyupi, pachak runasmanta, jisqʼun chunka runas may kusisqas kasqankuta ninku; chaywanpis chunka laya jampista astawan vendekusqanmanta kimsataqa, mana sinchita llakikunankupaq astawan rantinku. Chay suyullamantataq sapa pachak runasmanta, jisqʼun chunka jukniyuq runas, familiankupi kusisqas kawsakusqankuta yuyanku. Chaywanpis casaraqkunamantaqa khuskanjina, divorciakunku.

Jallpʼantinpi runasmanta khuskanjinaqa, chunka pusaqniyuq suyuspi kawsakunku, paykunata tapurisqankumanjinataq, “aswan qhipaman sumaq kawsay kanantaqa, mana suyasqankuta” nisqanku. Kaytaq achkha runas mana sunqu juntʼasqaschu kawsakusqankuta rikuchiwanchik. Qamrí, ¿sunqu juntʼasqachu kawsakunki? Kay folletoqa, sunqu juntʼasqa kawsayta tarinaykipaq yanapasunqa.