LECCIÓN 15
¿Pitaj Jesús?
Casi tukuy runas imaymanata Jesusmanta uyarinku. Jinapis ashkhas payta mana sumajta rejsinkuchu chayri pantasqata paymanta yuyanku. Imatachus Biblia paymanta nisqanta kaypi yachakusun.
1. ¿Pitaj Jesús?
Jesusqa may atiyniyoj ángel. Payqa cielopi tiyakun. Jehová Diosqa payta tukuy imamanta nisqa aswan ñaupajta ruwarqa. Chayrayku Jesusqa ‘tukuy ima ruwasqa kajmanta ñaupaj kaj’ (Colosenses 1:15). Chantapis Jehová Diosqa Jesusta kikin makisninwanpuni ruwarqa. Chayrayku Jesusqa Diospa ‘uj kʼata Wawan’ (Juan 3:16). Chantapis payqa Tatanwan khuska llankʼarqa tukuy imata ruwaysikuspa (Proverbios 8:30 leey). Kunanpis Jesusqa Jehová Dioswan khuskallapuni kashan. Jesustaqa “Palabra” nikullantaj Diospa sutinpi parlasqanrayku, kamachiykunasninta willasqanrayku ima (Juan 1:14).
2. ¿Imaraykutaj Jesús kay jallpʼaman jamorqa?
Jesusqa kay jallpʼaman jamorqa runasta salvananpaj. a Jehová Diosqa may unayña nerqa uj ajllasqan runata kachamunanta runasta salvananpaj. Chay ajllasqa runatataj Bibliapi Mesías chayri Cristo nikun. Chay Mesiasmanta Bibliapi tukuy parlakusqanqa Jesuspi juntʼakorqa. Chayrayku runasqa yacharqanku pay Cristo kasqanta, “kausaj Diospa Wawan” (Mateo 16:16). Chanta, ¿imaynatá Jesús kay jallpʼaman chayamorqa? Jehová Diosqa espíritu santonwan uj milagrota ruwarqa. Payqa Jesuspa kausayninta Mariaj matrizninman churarqa. Ajinamanta Jesusqa kay jallpʼapi runa jina nacekorqa. Mariaqa chaypacha doncella karqa. Chay tukuy imas kasqanmantataj 2.000 watas jinaña pasan (Lucas 1:34, 35 leey).
3. ¿Maypitaj Jesús kunan kashan?
Jesustaqa Jehová Dios uj ángel kananpaj kausaricherqa. Chantá Jesús cieloman kutiporqa. Chaypitaj Diosqa “tukuy imata churarqa Cristoj chakisnin uraman” (Efesios 1:22). Kunanqa Jesús tukuy imata kamachinanpaj atiyniyoj. Jinapis Jehová Dioslla paymanta astawan atiyniyoj.
ASTAWAN YACHAKUNA
Kaypi astawan yachakusun pichus Jesús kasqanta, imaraykuchus payta rejsinapuni kasqanta ima.
4. Jesusqa mana Tukuy Atiyniyoj Dioschu
Jesusqa cielopi may atiyniyoj ángel kaspapis, Jehová Diosta kasukorqa. Imaraykuchus Jehovaqa paypa Diosnin, Tatantaj. Uj videopi qhawarisun Biblia nisqanman jina Jesús Dioschus manachus kasqanta. VIDEOTA qhawariychej.
Kay urapi rikhurej versiculosqa Jehová Dioswan Jesuswan mana ujllachu kasqankuta rikuchiwanchej. Sapa textota leeriychej, chantá yachakojta tapuriy.
Lucas 1:30-32 leeriychej.
-
¿Imatataj uj ángel Mariaman nisqa?
Mateo 3:16, 17 leeriychej.
-
¿Imatataj Dios cielomanta nimusqa Jesús bautizakusqantawan?
-
Chayrayku, ¿Jesús Dioschu kanman?
Juan 14:28 leeriychej.
-
¿Uj familiapi tatachu chayri wawachu aswan kuraj?
-
Jesusqa Jehová Diosta “Tatáy” nerqa. Chayta nispa, ¿ima niytá munashanman karqa?
Juan 12:49 leeriychej.
-
¿Maykʼajllapis Jesús yuyarqachu Tatan jinallataj tukuy atiyniyoj kayta?
5. Biblia Mesiasmanta parlasqanqa Jesuspi juntʼakorqa
Bibliaqa imaynachus Mesías kananmanta ashkha imasta willarqa. Ajinamanta runas pichus Mesías kasqanta yachanankupaj. Chay Mesiastaqa Dios ajllarqa runasta salvananpaj. Uj videopi qhawarisun imaynatachus Bibliamanta wakin profecías Jesuspi juntʼakusqanta. VIDEOTA qhawariychej.
Kay urapi rikhurej profeciasta leeriychej. Chantá yachakojta tapuriy.
Maypichus Mesías nacekunan b kasqanta yachanapaj Miqueas 5:2 leeriychej.
-
¿Maypitaj Mesías nacekunan kasqa? Jesusrí, ¿maypitaj nacekorqa? (Mateo 2:1).
Imatachus Biblia Mesiaspa wañuyninmanta nisqanta yachanapaj Salmo 34:20; Zacarías 12:10 leeriychej.
-
Chay versiculospi nisqan, ¿Jesuspi juntʼakorqachu? (Juan 19:33-37).
-
¿Jesús ajllayta atinmanchu karqa wañupojtin imatachus cuerponwan ruwanankuta?
-
Qanrí, ¿imatá Jesusmanta niwaj, paypunichu Mesías karqa?
6. Jesusmanta yachakoyqa yanapawanchej
Biblia niwanchej Jesusmanta, imapajchus payta Jehová Dios kachamusqanmantapis yachakunanchejpuni kasqanta. Juan 14:6; 17:3 leeriychej, chantá yachakojta tapuriy:
-
¿Imaraykutaj Jesusmanta yachakunanchejpuni kasqa?
Jesusqa Diosman qayllaykunanchejpaj ñanta kicharerqa. Payqa Jehová Diosmanta cheqa kajta yachacherqa. Paynejtataj wiñay kausayta japʼiyta atinchej.
WAKIN RUNAS NINKU: “Jehovaj testigosnenqa Jehovallamanta parlanku, mana Jesuspi creenkuchu”, nispa.
-
Ajinata nisojkunaman, ¿imatá niwaj?
¿IMASTÁ YACHAKUNCHEJ?
Kaypi yachakunchej Jesusqa may atiyniyoj ángel, Diospa Wawan, Mesiastaj kasqanta.
Yuyarikunapaj
-
¿Imaraykutaj Biblia nin Jesús ‘tukuy ima ruwasqa kajmanta ñaupaj kaj’ kasqanta?
-
Niraj jallpʼaman jamushaspa, ¿imatataj Jesús cielopi ruwasharqa?
-
¿Imaynapitaj yachanchej Jesús Mesiaspuni kasqanta?
ASTAWAN YACHAKUNAYKIPAJ
¿Imaynapitaj yachanchej Jesús Mesiaspuni kasqanta? Chayta yachanaykipaj kayta leeriy.
“Mesiasmanta profecías ¿Jesuspipunichu juntʼakorqa?” (Chaytaqa Internetpi jw.org nisqapi tarinki)
¿Imajtintaj Biblia nin Diosninchej Jesuspa Tatan kasqanta? Chayta yachanaykipaj kayta leeriy.
“¿Imaraykutaj Jesusta Diospa Wawan nikun?” (Chaytaqa Internetpi jw.org nisqapi tarinki)
¿Biblia ninchu Dioswan, Jesuswan, espíritu santowan ujlla kasqankuta? Chayta yachanaykipaj kayta leeriy.
Uj warmeqa Jesusmanta Bibliapi yachakuytawan paypi creerqa. Paymanta astawan yachanaykipaj kayta leeriy.
“Uj Judía willariwanchej imajtinchus Jesuspi creesqanta” (¡Despertad!, mayo de 2013)
a 26, 27 leccionespi yachakusun imamantachus Jesús salvawasqanchejta, imaynatachus chayta ruwasqantapis.
b Maykʼajchus Mesías kay jallpʼaman jamusqanmanta yachanaykipaj kay libroj tukukuyninpi “Sutʼinchaykuna” nisqapi 2 kaj sutʼinchayninta leeriy.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
