LECCIÓN 39
¿Imatá Jehová nin yawarmanta?
Yawarwanpuni kausanchej. Jehová ruwawasqanchejraykutaj, pay niyta atiwanchej imaynatachus yawarta qhawanata. Kaypi yachakusun imatachus Jehová yawarmanta nisqanta, yawarta mikhunatachus manachus, yawarta churachikunata niwajtinchej imatachus ruwanata ima.
1. ¿Imatá Jehová nin yawarmanta?
Unayña Jehová Dios kamachisninman nerqa: “Tukuy kausajpata kausaynenqa yawarninpi kashan”, nispa (Levítico 17:14). Jehová Diospajqa yawar kausaywan ninakun. Pay kausayta qowasqanchejrayku, kausaytapis yawartapis may valorniyojpaj qhawan.
2. ¿Imatá Jehová nin yawarta mikhunamanta, churachikunamanta ima?
Jehová Diosqa unayña kamachisninman nerqa yawarta mana mikhunankuta (Génesis 9:4; Levítico 17:10 leey). Jehová Diosqa ñaupa tiempomanta cristianosman Diospa llajtanta kamachejkunanejta chay kamachiyllatataj qorqa. Payqa nerqa ‘yawarta qhesachanallankutapuni’ (Hechos 15:28, 29 leey).
¿Ima niyta munan chay? Kaypi piensarina, sichus uj doctor nisunkiman mana alcoholta tomanaykita chayqa mana tomawajchu, ¿icharí? Chantapis nillataj venasniykinejta alcoholta churachikuwajchu, nillataj machachej ujyanasniyoj imastapis mikhuwajchu, ¿icharí? Ajinallataj Jehová yawarta qhesachanata niwasqanchejwanpis. Chayrayku mana yawarta mikhunchejchu, nitaj tomanchejchu, nillataj yawarniyoj imasta mikhunchejchu, ni yawarniyoj aychatapis.
¿Imaraykutaj imaynatachus jampichikunata qhawarikuna tiyan? Imaraykuchus wakin tratamientosta ruwanku yawarta churaspa chayri glóbulos rojos, glóbulos blancos, plaquetas, plasma nisqata churaspa. Chay tratamientostaj mana Jehová Dios kamachisqanman jinachu. Wakin kutistaj mana reparallasunmanchu ima tratamientoschus yawarmanta orqhosqa imaswan chhapusqa kasqanta. Chantapis wakin tratamientostaqa jampichikojpa yawarnillanwantaj ruwanku. Chayrayku sapa uj ajllananchej tiyan imaynatachus jampichikunata (Gálatas 6:5). a
ASTAWAN YACHAKUNA
Kaypi yachakusun jampichikuyta ajllashaspa imatachus ruwanata.
3. Jehová Diosta kusichinapaj jina ajllana
¿Imaynatá Jehová Diosta kusichinapaj jina jampichikuyta ajllasunman? VIDEOTA qhawariychej, chantá yachakojwan parlariy kay urapi rikhurej imasta ruwanapuni kasqanmanta.
-
Jehová Diosmanta yachayta mañakuna (Santiago 1:5).
-
Bibliapi yuyaychaykunata maskʼana, chayman jinataj ruwana (Proverbios 13:16).
-
Maypichus tiyakunchej chaypi ima tratamientostachus ruwasqankuta tapurikuna.
-
Ima tratamientoswanchus mana jampichikunata ñaupajmantaña qhawarina.
-
Sonqonchej mana juchachanawanchejpaj jina ima tratamientotapis ajllana (Hechos 24:16). b
-
Mana suyanachu, ni qosanchej, ni warminchej, ni ancianos, nitaj Bibliamanta yachachiwajninchej ima tratamientotachus ajllanata ninawanchejta (Romanos 14:12).
-
Ima tratamientotachus ajllasqanchejta anotakuna.
4. Jehovaj testigosnenqa sumajta jampichikuyta munanchej
Jehovaj kamachisqanta kasukusqanchejrayku mana yawarta churachikunchejchu. Jinapis sumajta jampichikuyta munanchej. VIDEOTA qhawariychej.
Tito 3:2 leeriychej, chantá yachakojta tapuriy:
-
¿Imaraykutaj imaynatachus jampichikunamanta doctoreswan respetowan parlarinanchej tiyan?
|
Amapuni churachikunachu |
Sapa uj ajllananchej tiyan |
|---|---|
|
A. Plasmata |
Plasma nisqamanta orqhosqata |
|
B. Glóbulos blancosta |
Glóbulos blancos nisqamanta orqhosqata |
|
C. Plaquetasta |
Plaquetas nisqamanta orqhosqata |
|
D. Glóbulos rojosta |
Glóbulos rojos nisqamanta orqhosqata |
5. Yawarmanta orqhosqa imas
Yawarpi kashan glóbulos rojos, glóbulos blancos, plaquetas, plasma ima. Chay tawa imasmanta waj juchʼuy imas orqhokullantaj. c Chay juchʼuy imastaj imamantapis jampikunapaj medicamentospi kashan, yawarta sayachinapaj jampispipis.
Sapa uj cristiano ajllanan tiyan glóbulos rojosmanta, glóbulos blancosmanta, plaquetasmanta, plasmamanta orqhosqa imitaswan jampichikunantachus manachus. Chaytataj ruwanan tiyan Bibliamanta yachakusqanman jina, mana sonqon juchachananpaj jinataj. Wakin cristianosqa chaykunawan mana jampichikuyta munankuchu, wakintajrí jampichikullanku.
Imaynatachus jampichikunata ajllashaspaqa kaypi piensariy:
-
Glóbulos rojosmanta, glóbulos blancosmanta, plaquetasmanta, plasmamanta orqhosqa imitaswan jampichikunayta chayri mana jampichikunayta, ¿imaynatá Doctorman sutʼinchayman?
ICHÁ WAKIN TAPUSONQANKU: “Yawarqa kausayninchejta salvan, ¿imaraykutaj mana churachikuyta atinchejchu?”, nispa.
-
¿Imatá qan chaymanta yuyanki?
¿IMASTÁ YACHAKUNCHEJ?
Kaypi yachakunchej imaynatachus yawarta qhawanata.
Yuyarikunapaj
-
¿Imaraykú Jehová yawarta may valorniyojpaj qhawan?
-
¿Imaraykutaj yawarta, glóbulos rojosta, glóbulos blancosta, plaquetasta, plasmata mana churachikunchejchu?
-
¿Imastá ruwasunman ima tratamientowanchus jampichikuyta ajllanapaj?
ASTAWAN YACHAKUNAYKIPAJ
Yawarnillanchejwantaj ima tratamientotapis ruwanata niwajtinchej, ¿ñaupajta imapitaj piensarisunman? Chayta yachanaykipaj kayta leeriy.
¿Imapitaj piensarinanchej kanman yawarmanta orqhosqa juchʼuy imaswan jampichikunata yuyaspa? Chayta yachanaykipaj kayta leeriy.
¿Imaraykú uj doctor nin Jehová imatachus yawarmanta nisqanqa allillan kasqanta? Chayta yachanaykipaj kayta leeriy.
“Imatachus Dios yawarmanta nisqanta japʼikuni” (¡Despertad!, 8 de diciembre de 2003)
Comités de Enlace con los Hospitales nisqapi yanapakoj hermanos, ¿imaynatá hermanosta yanaparinku? Chayta yachanaykipaj kay videota qhawariy.
a Kay libropi 35 leccionta leeriy.
b 5 kaj puntopi, “Yawarmanta orqhosqa imas” nisqata qhawariy. Chantá wakin tratamientoswan jampichikunamanta kay libroj tukukuyninpi “Sutʼinchaykuna” nisqapi 3 kaj sutʼinchayninta leeriy.
c Wakin doctoresqa glóbulos rojosta, glóbulos blancosta, plaquetasta, plasmata ima, manaña yawarta jinachu qhawanku, manaqa yawarmanta orqhosqa aswan juchʼuy imasta jinallaña. Chayrayku doctorman sutʼinchananchej tiyan mana yawarta churachikusqanchejta, nillataj glóbulos rojosta, glóbulos blancosta, plaquetasta, plasmata ima.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
