LECCIÓN 55
Congregacionpi yanapakuna
May chhika runas ashkha congregacionespi Jehová Diosta kusisqa sirvinku. Paykunaqa Jehovaj kamachisqanta, yuyaychasqanta jatunpaj qhawasqankurayku tukuy sonqo, tukuy imaymanamanta congregacionpi yanapakunku. Kaypitaj yachakusun congregacionpi yanapakunata.
1. ¿Imaynasmantataj congregacionpi yanapakusunman?
Congregacionpeqa tukuy imaymanamanta yanapakuyta atinchej. Kuraj hermanitos chayri onqosqa hermanitos kanku chayqa, reunionesman pusarinapaj, imatapis rantinpunapaj, wasipi ruwanasninkuwan yanapanapaj kallpachakusunman (Santiago 1:27 leey). Chantapis tantakuna wasita allinchaspa, llimphuchaspa yanapakusunman. Chay imasta ruwanapajqa ni pi obligawanchejchu. Astawanpis Jehová Diosta, hermanosninchejta munakusqanchejrayku wakichisqa kanchej tukuy sonqo yanapakunapaj (Salmo 110:3).
Bautizasqa hermanospis congregacionpi tukuy imaynamanta yanapakuyta atinku. Biblia nisqanman jina kausakoj cristianosqa siervos ministeriales kayta atinku, tiempowantaj ancianos jina llankʼayta atinku. Hermanospis hermanaspis precursores jina llankʼayta atinku. Chantapis wakin cristianosqa tantakuna wasista ruwaysiypi yanapakunku, wakintajrí maypichá pisi willajkunalla kanku chayman ripunku.
2. ¿Atisunmanchu qolqenchejwan, imachus kapuwasqanchejwanpis yanapakuyta?
Biblia nin: “Jehová Diosta jatunchay valorniyoj imasniykiwan”, nispa (Proverbios 3:9). Mayta kusikunchej qolqesitunchejwan, imachus kapuwasqanchejwan congregacionpi yanapakuspa, tukuynejpi predicakunanpaj yanapakuspa ima (2 Corintios 9:7 leey). Qolqesitunchejmanta churaspaqa llakiypi tarikoj hermanosninchejtapis yanapallanchejtaj. Ashkha hermanosqa qolqesitunkumanta wakinta tʼaqanku yanapakunankupaj (1 Corintios 16:2 leey). Qolqesitutaqa tantakuna wasipi cajitasman churasunman, manachayri Internetpi donate.pr418.com nisqanejta apachisunman. Imachus kapuwasqanchejwan congregacionpi yanapakuspaqa Jehovata munakusqanchejta rikuchinchej.
ASTAWAN YACHAKUNA
Kaypi yachakusun imaynasmantawanchus congregacionpi yanapakuyta atisqanchejta.
3. Kapuwasqanchejwan yanaparikuna
Jehovawan Jesuswanqa kusiywan qojkunata munakunku. Jesusqa uj wajcha viuda tukuy kapusqanta Jehová Diosman qosqanta may allinpaj qhawarqa. Lucas 21:1-4 leeriychej, chantá yachakojta tapuriy:
-
¿Ashkha qolqetachu qona tiyan Jehovata kusichinapaj?
-
Kapuwasqanchejmanta tukuy sonqo qorejtinchej, ¿imaynatá Jehovawan Jesuswan qhawanku?
Imaynatachus qolqesituta qosqanchejta apaykachakusqanta yachanapaj VIDEOTA qhawariychej, chantá yachakojta tapuriy:
-
Qolqesitunchejmanta churasqanchej, ¿imaynatá congregacionesta yanapan?
4. Yanaparikuyta munasqanchejta nina
Ñaupa tiempopi Diospa kamachisnenqa qolqesitunkuwan yanapakorqanku, templota allinchaysiypipis yanapakullarqankutaj. 2 Crónicas 34:9-11 leeriychej, chantá yachakojta tapuriy:
-
¿Imaynasmantá israelitas yanapakorqanku Diospa wasin allin kananpaj?
Kay tiempopipis Jehovaj testigosnenqa tukuy imaynamanta yanapakunku tantakuna wasinku sumaj llimphu, allinchasqataj kananpaj. VIDEOTA qhawariychej, chantá yachakojta tapuriy:
-
¿Imaraykutaj tantakuna wasista sumaj llimphituta, sumaj allinchasqatataj japʼina tiyan?
-
¿Imaynasmantataj qanpis yanaparikuyta atiwaj?
5. Hermanosqa astawan ruwanasta japʼinankupaj kallpachakunkuman
Jehová Diosqa munan hermanos astawan ñauparinankupaj kallpachakunankuta. Ajinamanta congregacionpi astawan yanapakunankupaj. Imaynatachus chayta uj hermano ruwasqanta qhawarina. VIDEOTA qhawariychej, chantá yachakojta tapuriy.
-
Videopi rikorqanchej chay hermano, ¿imastataj ruwarqa astawan ñauparinanpaj, congregacionpipis astawan yanapakunanpaj?
Bibliaqa willawanchej imatachus uj hermano ruwanan kasqanta siervo ministerial kananpaj, anciano kananpaj ima. 1 Timoteo 3:1-13 leeriychej, chantá yachakojta tapuriy:
-
¿Imatataj uj hermano ruwanan tiyan siervo ministerial kananpaj, anciano kananpaj ima?
-
Chay hermanoj familianrí, ¿imayná kanan tiyan? (4, 11 versiculosta qhawariy).
-
Ashkha hermanosqa kay versiculopi nisqanman jina ruwanankupaj mayta kallpachakunku. Chay ruwasqanku, ¿imaynatá waj hermanosta yanapan?
ICHÁ WAKIN TAPUSONQANKU: “Jehovaj testigosnin tukuy imata ruwanankupaj, ¿maymantataj qolqeta orqhonkuri?”, nispa.
-
Ajinata tapusojtinku, ¿imatá niwaj?
¿IMASTÁ YACHAKUNCHEJ?
Kaypi yachakunchej Jehová mayta kusikusqanta congregacionpi yanapakunapaj tiemponchejta, kallpanchejta churasqanchejmanta, kapuwasqanchejwan yanapakusqanchejmantapis.
Yuyarikunapaj
-
¿Imasta ruwaspataj congregacionpi yanapakusunman?
-
¿Atisunmanchu kapuwasqanchejwan yanaparikuyta?
-
Qanrí, ¿imaynasmantá congregacionpi yanaparikuyta munawaj?
ASTAWAN YACHAKUNAYKIPAJ
¿Jehová Dios diezmota mañawanchejchu? Chayta yachanaykipaj kayta leeriy.
“¿Imatá Biblia nin diezmota qonamanta?” (Chaytaqa Internetpi jw.org nisqapi tarinki)
Bibliaqa wakin ruwaykunata bautizasqa qharisman qon. Jinapis uj bautizasqa hermana chayta ruwanan kajtin, ¿imatá ruwanman?
“¿Pikunatataj Jehová llajtanpi umata jina churan?” (Torremanta Qhawaj, febrero de 2021)
¿Imatataj ashkha testigos ruwanku hermanosninku publicacionesta japʼinankupaj? Chayta yachanaykipaj kay videota qhawariy.
Congo suyupi runasman Bibliasta, librosta ima chayachinku (4:25)
¿Jehovaj testigosnin waj religiones jinallatajchu hermanosninkumanta qolqeta orqhonku? Chayta yachanaykipaj kayta leeriy.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
