¿Imaraykutaj familiapi manaña respeto kanchu?
¿IMARAYKUTAJ FAMILIANCHEJTA RESPETANAPUNI TIYAN?
Familia ukhupi respeto kajtenqa kʼachituta kausakunku, qosapis, warmipis, wawaspis ni imata manchachikunkuchu.
-
Siete reglas de oro para vivir en pareja nisqa libro nin: “Qhariwarmi respetanakojtinkoqa mana jatuchej imasllapichu munakuyninkuta rikuchinakunku, manaqa juchʼuy imaspipis”, nispa.
-
Estudiasqankuman jina, respetayta yachakoj wawasqa mana pisipajchu qhawakunku, tatasninkuwan allinta kausakunku, nitaj llakiywan atipachikunkuchu.
¿IMATÁ RUWAWAJ?
Respetanakuymanta familiaykiwan parlariy. Ñaupajtaqa imachus respetay niyta munasqanta qanraj sutʼita yachanayki tiyan. Chantataj uj cuadernopi anotakuychej imatachus familiaykichejmanta sapa uj ruwanaykichejta, imatatajchus mana ruwanaykichejta. Chayta ruwaytawantaj tukuyniykichej familiapi parlariychej respetanakunaykichejpaj imatachus sapa ujniykichej ruwanaykichejmanta.
Qanraj ñaupajta respetay. Kayta tapurikuy: “Familiay imapipis pantajtin, ¿paykunata rimanichu chayri kʼumuykachachinichu? Imatachus nisqankumanta, ¿asikunichu? Parlachiwajtinku, ¿sumajtachu uyarini chayri nichu parlajta saqeni?”, nispa. Kayta yuyarikuy: Qanraj ñaupajpi kanayki tiyan wajkunata respetaypi.
Kayta ruwawaj: Qan familiaykita respetanayki tiyan, nitaj suyanaykichu tiyan paykunaraj imatapis ruwanankuta respetasqa kanankupaj.
Mana uj yuyayllachu kajtiykichejpis respeto kananpuni tiyan. Ama niychu: “Qanpuni…”, chayri “Qanqa ni jaykʼaj…”, nispa. Chay jinasta neyqa familianchejpa sonqonta nanachin, uj juchʼuy imitatataj uj jatun problemaman tukuchinman.
¿IMATÁ JEHOVAJ TESTIGOSNIN RUWAYKU?
Jehovaj testigosnenqa familiapi respetanakuyta yachachiyku. Chayrayku respetanakuymanta parlaj yachaqanasta, librosta, folletosta, videosta ima sapa kuti orqhoyku. Chaykunatataj mana qolqeta mañaspalla runasman chayachiyku.
QHARIWARMISPAJ: “Familiaspaj yuyaychakuna” nisqapi kaj yachaqanasqa may sumaj yanapa qosaspaj, warmispajpis...
-
... uyarinakuyta yachanankupaj.
-
... phiñanakuspa mana chʼinlla kanankupaj.
-
... mana discutinankupaj.
(Jw.org nisqapi, maskʼanapaj cuadritopi “Familiaspaj yuyaychaykuna” nisqata anotay).
TATAMAMASPAJ: Jw.org nisqapi “Casarasqaspaj familiaspajwan” nisqaman yaykuy. Chaypi “Wawasta uywaymanta” nisqa parte tiyan. Chaypitaj sumaj yuyaychaykuna tiyan tatas wawasninkuman yachachinankupaj...
-
... kasukuyta.
-
... wasipi yanapakuyta.
-
... “Por favor”, “Gracias” niyta.
(Jw.org nisqapi, maskʼanapaj cuadritopi “Wawasta uywaymanta”, “Jovenesta uywaymanta” nisqata anotay).
Chantapis leerillaytaj ¡Rijchʼariy! 2 kaj 2019 “Wawayki 6 imasta yachakunan tiyan” nisqa revistapi kaj yachaqanasta, chantá ¡Rijchʼariy! 2 kaj 2018 “Familiaykipaj 12 yuyaychaykuna” nisqa revistapi 8-11 paginasta (chay revistastaqa jw.org nisqapi maskʼawaj).
JOVENESPAJ: Jw.org nisqapi “Jovencitospaj, jovenespajwan” nisqa partepi tiyan yachaqanas, videos, waj imaspis paykunata yanapananpaj...
-
... tatasninkuwan hermanosninkuwanpis allinta apanakunankupaj.
-
... tatasninkoj kamachisqasnin mana gustajtinpis respetowan chaymanta parlanankupaj.
-
... tatasninku paykunapi confianankupaj.
(Jw.org nisqapi, maskʼanapaj cuadritopi “Jovencitospaj, jovenespajwan” nisqata anotay).
Jw.org nisqa paginaqa gratis. Chayman yaykunaykipajqa mana ni mashkhata paganaykichu tiyan, mana suscribikunaykichu tiyan, nillataj sutiykita, waj imastapis churanaykichu tiyan.
