¿IMATAJ YANAPAWASUNMAN NIÑA WAJKUNATA CHEJNIKUNAPAJ?
2 | Ama vengakunachu
Biblia nin:
‘Ama pimanpis sajrata ruwasusqaykichejmanta sajrallawantaj kutichiychejchu. Tukuy atisqaykichejta ruwaychej tukuywan allinpi kausakunaykichejpaj. Munasqa hermanosníy, ama ima sajramantapis pagachikuychejchu. Imaraykuchus qhelqasqa kashan: “Noqamin vengakusaj, pagachikusajtaj”, nispa nin Jehová Diosqa’ (ROMANOS 12:17-19).
¿Ima niytá munan?
Pillapis sonqonchejta nanachiwajtinchejqa ichapis phiñakusunman. Jinapis Diosninchejqa mana munanchu vengakunanchejta. Astawanpis pay niwanchej makinpi saqepunata. Imajtinchus payqa tumpamantawan imachus llakichiwasqanchejta chinkachenqa (Salmo 37:7, 10).
Kayta ruwawaj:
Pimantapis vengakojtinchejqa chejninakuy kallanqapuni. Chayrayku pillapis imata ruwawajtinchejqa ama sajrallawantaj kutichinachu, nitaj phiñakuyninchejwan atipachikunachu. Wakin kutisqa chay ruwawasqanchejta pasachinalla (Proverbios 19:11). Wakin kutistaj allin kanman chay rato allinchana. Pillapis ima sajrata ruwawajtinchej autoridadesman chayri policiaman risunman.
Vengakoyqa ñakʼarichillawanchej
Ichá yuyawaj chay chʼampayta allillanmanta mana allinchayta atisqaykita. Chayri yuyawaj chay chʼampayta allinchanaykipaj tukuy imataña ruwasqaykita. Jinapis amapuni vengakuychu, imaraykuchus aswan llakiykunapi rikukuwaj. Chejnikuywan ama atipachikunachu, Diospi atienekuna, imachus llakichiwasqanchejtataj makinpi saqepuna. Salmo 37:3-5 nin: “Paypi atienekuy, paytaj yanapasonqa”, nispa.
Kaykunatapis qhawaykurillawajtaj
BIBLIAQA CAMBIANANKUPAJ YANAPARQA
Justicia kananta munarqa
Rafikaqa uj qotu runasman ujchakusqa, pikunachus justicia kananpaj chʼajwasta ruwaj kanku chaykunaman. Chaywanpis tiemponman Bibliata leespa reparasqa Diospa Gobiernollan justiciata, allin kausaytawan jallpʼaman apamunanta.
BIBLIAQA CAMBIANANKUPAJ YANAPARQA
¿Munakuywan chejnikuyta atipasunmanchu?
Wajkunamanta sajrata yuyasqanchejtaqa mana facilta cambiayta atillasunmanchu. Kay videopi qhawariy imaynatachus uj judiowan uj palestinowan cambiasqankuta.
