Mana chejnisqachu karqanki chayqa, ichapis rikorqanki wajkunata chejninakojta. Noticiaspi rikunchej wakin runasqa llajtankurayku chejnisqas kasqankuta, wakintaj yanitas, gringuitos chayri qʼewas kasqankurayku. Chayrayku ashkha gobiernos leyesta orqhonku uj clase runasta chejnikojkunata castiganankupaj.

Chejnisqa runasqa wajkunata astawanraj chejnikunku, chayrayku vengakuyta munanku. Chay jinamanta chejninakoyqa kallanpuni.

Ichá qantapis chejnikusorqanku, burlakusorqanku, insultasorqanku chayri imatapis ruwaykusunankuta nisorqanku. Jinapis chejnikoyqa aswan mana allin imasman chayachiwasunman: kʼumuykachachiyman, saqueanakuyman, maqanakuyman, chʼajwasman, leyesta pʼakiyman, wañuchinakuyman ima.

Kay revistaqa yanapawasunchej mana chejninakunapaj. Kay tapuykunamantaj kutichenqa:

• ¿Imajtintaj runas mayta chejninakunku?

• ¿Imatá ruwasunman mana wajkunata chejnikunapaj?

• ¿Maykʼajllapis chejninakuy chinkanmanchu?