¿IMATAJ YANAPAWASUNMAN NIÑA WAJKUNATA CHEJNIKUNAPAJ?
1 | Tukuyta uj rejllata qhawana
Biblia nin:
‘Diosqa tukuy runasta uj rejllata qhawan. Payqa allinpaj qhawan mayqen nacionllamantapis payta manchachikojta, allin kajtataj ruwajtaʼ (HECHOS 10:34, 35).
¿Ima niytá munan?
Jehová * Diosqa runaspa sonqonkuta sumajta rejsin. Manataj qhawanchu ima llajtamantachus, yanitachus chayri gringuituchus kasqankuta. Bibliaqa nin: “Runaqa ñawisninpa rikusqallanta qhawan, Jehová Diostajrí runaj sonqonta qhawan”, nispa (1 Samuel 16:7).
Kayta ruwawaj:
Runaspa sonqonkuta mana rejsiyta atispapis Jehová Dios jina tukuyta uj rejllata qhawasunman. Mana yuyanachu tukuy runas sajras kasqankuta. Astawanqa kallpachakuna mana kikinchu kasqanchejta yuyanapaj. Sonqonchejpi pitapis llajtanrayku chayri imayna rijchʼayniyojchus kasqanrayku chejnikuyta qallarishanchej chayqa, Jehová Diospa yanapayninta mañakuna tukuy runasta uj rejllata qhawanapaj, sonqonchejmantapis sajra yuyaykunata orqhonapaj (Salmo 139:23, 24). Jehová Diosqa chayta ruwanapaj yanapawasunpuni (1 Pedro 3:12).
^ párr. 6 Diospa sutenqa Jehová(Salmo 83:18).
‘Ni jaykʼaj allinta kausakorqanichu uj yuraj runitawan. Kunanqa niyman mundontinmanta hermanosniy kapuwasqanta’ (TITUS).
Kaykunatapis qhawaykurillawajtaj
TORREMANTA QHAWAJ
“Diosqa mana wakillantachu allimpaj qhawan”
Diosqa tukuy kamachisninpa mañakusqankuta uyarin, manataj ima layachus, ima llajtamantachus, kapuyniyojchus manachus kasqankutachu qhawan. ¿Imaynatá chayta yachanchej?
