Estados Unidosmanta Saida * nin: “Sinchʼi wayra kasqanrayku casi tukuy imayta pierderqani. Yuyarqanitaj manaña aguantanayta. Días pasasqanman jina kallpayqa tukukapusharqa”, nispa.

Familianchejmanta pillapis wañupusqanqa mayta llakichillawasunmantaj. Jhanethmanta parlarina. Payqa Australiamanta, yuyarikuspataj nin: “Sonqo pʼakisqa kasharqani iskay wawasniy wañupusqankumanta. Chayrayku kallpachakunay karqa chay llakiywan mana atipachikunaypaj. Diosmantaj rogakuspa nej kani: ‘¡Kaykamalla Tatáy! Puñuspaqa niña ujtawan rijchʼariyta munaymanchu’”, nispa.

Danielpis warmin wasanchasqanmanta may llakisqa kasharqa. Pay nin: “Señoray wasanchawasqanta willawajtin, maytapuni sonqoy nanawarqa. Cuchillowanpis ashkha kutista tʼojsirpawankuman jina sientekorqani. Killasta jina nanasqa kasharqani”, nispa.

Kay revistapi yachakusun mana llakiywan atipachikunachu kasqanta llakiykunapi rikukuspa.

• Jatun llakiykuna kajtin

• Familiapi pillapis wañupojtin

• Qosayki chayri warmiyki wasanchasojtin

• Sinchʼi onqoyniyoj kajtiyki

• Niña kausayta munajtiyki

Kunantaj qhawarina imachus yanapayta atisqanta jatun llakiykunapi rikukojkunata.