¿Imaynatataj wañuy chinkachisqa kanqa?
ADANWAN Evawan mana kasukusqankurayku tukuy runas juchasapas kanchej, wañunchejtaj. Chaywanpis Jehová Diosqa imatachus qallariypi ruwayta munarqa chayta juntʼanqapuni. Chaytataj Bibliapi kutin kutita niwanchej.
-
“Cheqan runasqa kay pachata herenciankupaj japʼenqanku, chaypitaj wiñaypaj kawsanqanku” (Salmo 37:29).
-
“Payqa wañuyta wiñaypaj chinkachenqa, tukuypa waqaynintataj Tukuy Atiyniyoj Tata Diosqa pichanqa” (Isaías 25:8).
-
“Tukuy enemigosmanta qhepa kaj atipasqataj, wañuy kanqa” (1 Corintios 15:26).
-
“Manañataj wañuy kanqachu, nitaj llakiypis, nitaj qhapariypis, nitaj nanaypis” (Apocalipsis 21:4).
¿Imatataj Dios ruwanqa “wañuyta wiñaypaj” chinkachinanpaj? Reparanchej jina Bibliaqa nin ‘cheqan runas’ kay jallpʼapi wiñaypaj kausakunankuta. Chaywanpis nillantaj ‘kay pachapeqa mana uj runallapis cheqan runa kasqanta, mana jaykʼaj juchallikuspa cheqantapuni ruwajqa’ (Eclesiastés 7:20). Diosqa wañuyta chinkachinanpaj, Bibliapi nisqanman jinapuni ruwanqa. Imajtinchus payqa ‘mana jaykʼaj llullakoj Dios’ (Tito 1:2). Chanta, ¿imatataj Dios ruwanqa munayninta juntʼananpaj?
DIOSQA “WAÑUYTA WIÑAYPAJ CHINKACHENQA” (ISAÍAS 25:8).
WAÑUYMANTA KACHARICHISQA KANCHEJ
Jehová Diosqa munakuwasqanchejrayku wañuymanta kacharichinawanchejpaj preciowan rantiwarqanchej. Pillatapis kacharichinapajqa justicia nisqanman jina kikin preciota pagakunan tiyan. Tukuy runas juchasapas kasqanchejrayku wañunchej. Bibliaqa sutʼita niwanchej: “Mana pipis pagaspa wawqenta salvayta atinmanchu, nitaj Diosman pagayta atinmanchu kawsayninta salvanampajqa. Mana jaykʼajpis qolqe wakinmanchu runaj kawsayninta rantinapajqa, wiñaypaj kawsanallampajpuni, wañuyta mana rikuspa”, nispa (Salmo 49:7-9).
Uj runaqa wañuspa juchallanta pagashan. Chayrayku uj runaqa mana salvakuyta atinchu, nitaj pitapis juchanmanta salvayta atinchu (Romanos 6:7). Noqanchejqa necesitarqanchej uj cheqan runa juchasninchejrayku wañunanta (Hebreos 10:1-4).
Chaypajtaj Dios cielomanta Wawan Jesusta jallpʼaman kachamorqa. Jesustaj mana juchayoj runa karqa (1 Pedro 2:22). Jesusqa kay jallpʼapi kashaspa nerqa: “Kausayniytataj qosaj ashkha runasta kacharichinaypaj”, nispa (Marcos 10:45). Payqa wañorqa tukuy runasrayku, ajinamantataj wiñay kausayta japʼiyta atinanchejpaj (Juan 3:16).
¿MAYKʼAJTAJ WAÑUY CHINKANQA?
Kay tiemponpi Bibliaj nisqasnin juntʼakushan. Kausaypis may llakiy, maytataj sajrayashan. Chaytaj reparachiwanchej qhepa pʼunchaykunapi kausashasqanchejta (2 Timoteo 3:1). Qhepa pʼunchaykunaqa tukukonqa juicio pʼunchaypi, maypachachus sajra runas chinkachisqa kanqanku, chaypacha (2 Pedro 3:3, 7). Chaywanpis Diosta munakojkunaqa chay pʼunchaypi mana wañonqankuchu, ‘wiñay kausaytataj japʼenqanku’ (Mateo 25:46).
Jesusqa jamorqa kausayninta qoj ashkha runasta kacharichinanpaj (Marcos 10:45).
Diosqa may chhika runasta kausarichimonqa, paykunataj wiñaypaj kausakuyta atenqanku. Jesusqa Naín llajtapi kashaspa uj wañusqata kausaricherqa. Chay llajtapeqa uj viudaj kʼata qhari wawan wañuporqa. Jesustaj chay viudata khuyakusqanrayku Lucas 7:11-15). Apóstol Pablo nerqa: ‘Noqapis suyakullanitaj, cheqan runasta, mana cheqan runastapis Dios kausarichimunanta’, nispa. Dios wañusqasta kausarichimunanqa rikuchin runasta mayta munakusqanta (Hechos 24:15).
wawanta kausarichiporqa (May chhika runas wiñaypaj kausakuyta suyakunkuman. Bibliapis nin: “Cheqan runasqa kay pachata herenciankupaj japʼenqanku, chaypitaj wiñaypaj kawsanqanku”, nispa (Salmo 37:29). Apóstol Pabloqa 2.000 watas jinaña nerqa: “Wañuy, ¿maypitaj atipasqayki kashanri? Wañuy, ¿maypitaj wachʼinayki kashanri?”, nispa (1 Corintios 15:55). Mosoj jallpʼapi kausakojkunataj kikillantataj nenqanku. Ajinamanta enemigonchejqa wiñaypaj chinkachisqa kanqa.