Génesis 25:29-34 versiculosta leeriy Esauwan Jacobwan allintachus manachus ajllasqankuta yachanaykipaj.

Paykunaj kausayninkumanta astawan ukhunchariy. ¿Imataj aswan ñaupajta pasarqa? (Gén. 25:20-28). ¿Imataj chaymanta qhepaman pasarqa? (Gén. 27:1-46).

Waj imitastawan ukhunchariy. Chay tiempopi kuraj wawas, ¿imatataj japʼinanku karqa, chanta imatataj ruwananku karqa? (Gén. 18:18, 19; w10-S 1/5 pág. 13).

• ¿Pipis kuraj kaj wawapunichu kanan karqa Mesiaspa ñaupa tatan kananpaj? (w17.12 págs. 14, 15).

Piensariy imastachus chaymanta yachakusqaykipi, imaynatachus chayman jina ruwanaykipipis. Esauqa kuraj wawa kaspa imatachus japʼinanta pisipaj qhawarqa. Jacobrí, ¿imajtintaj mana pisipajchu qhawarqa? (Heb. 12:16, 17; w03-S 15/10 págs. 28, 29). ¿Imaraykutaj Jehová Jacobta munakorqa, Esautarí munakullarqatajchu? (Mal. 1:2, 3). ¿Imatá Esaú ruwanan karqa allin kajtapuni ajllananpaj?

• Kayta tapurikuy: “Imatachus semanapi ruwanayta wakichikushaspa, ¿imaynatá rikuchiyman Jehovata yupaychayniyta jatunpaj qhawasqayta? Chaykunamanta ujnenqa familiapi Diosta yupaychay kashan”.