Estudiasqanchejtaqa ratolla qonqapuyta yachanchej. Jinapis Jesuspa rijchʼanachinasninta, kikinchaykunasnintapis yuyarikuyta atillanchej. ¿Imajtin? Chay parlasqan imasta rikushasunmanpis jina yuyarikusqanchejrayku. Ajinallatataj estudiasqanchejta sumajta yuyarikunapajqa rikushasqanchejta piensarina. ¿Imaynatá chayta ruwasunman? Estudiashaspa dibujosta ruwaspa.

Mosoj imasta yachakushaspa dibujosta ruwajkunaqa mana palabrasllatachu sumajta yuyarikunku, manachayqa imastachus yachakusqankutapis. Mana sumaj ruwasqa dibujostapunichu ruwanku. Yachayniyoj runas tanteasqankuman jina, dibujayqa machitu kajkunata astawan yanapanman.

Qanpis estudiaspaqa yachakusqaykimanta dibujosta ruwawaj. Chaypi reparanki dibujaspaqa ashkha imasta yachakusqaykita.