Génesis 37:23-28; 39:17-23 versiculosta leeriy José qhasillamanta tumpasqa kasqanta yachanaykipaj.

Kausayninmanta astawan ukhunchariy. ¿Imaraykutaj José qhasillamanta tumpasqa karqa? (Gén. 37:3-11; 39:1, 6-10). ¿Mashkha unaytataj José aguantanan karqa? (Gén. 37:2; 41:46). Qhasillamanta tumpasqa kashajtin, ¿imatataj Jehová ruwarqa Joseta yanapananpaj, chanta imatataj mana ruwarqachu? (Gén. 39:2, 21; w23.01 pág. 17 párr. 13).

Waj imitastawan ukhunchariy. Bibliaqa mana ninchu Potifarpa warmin qhasillamanta tumpajtin, José imatapis ruwasqantachus manachus. Mana imatapis ruwarqachu chay, ¿imaraykutaj José mana kutichikorqachu? Chanta, ¿imaraykutaj Biblia imachus pasasqanmanta mana tukuy imatapunichu willawanchej? (Pro. 20:2; Juan 21:25; Hech. 21:37). ¿Imataj Joseta yanaparqa qhasillamanta tumpasqankuta aguantananpaj? (Miq. 7:7; Luc. 14:11; Sant. 1:2, 3).

Piensariy imastachus paymanta yachakusqaykipi. Kay tapuykunapi piensariy:

• “Jesuspa discipulon kasqayrayku, ¿imaspitaj rikukuyman?” (Luc. 21:12, 16, 17; Heb. 10:33, 34).

• “¿Imataj yanapawanman qhasillamanta tumpawajtinku?” (Sal. 62:7, 8; 105:17-19; w19.07 págs. 2-7).