¿Sapallaykipi estudiasqaykiwan astawanchu yanapachikuyta munawaj? Chaypajqa kay yuyaychaykunaman jina ruwawaj.

• Uj sumaj lugarta maskʼakuy. Estudianki chay lugarqa sumaj kʼuchunchasqeta kanan tiyan, nitaj laqhachu. Ichapis uj escritoriopi chayri uj mesapi estudiawaj, chayri jawapi estudianapaj jina lugarcitota maskʼakuwaj.

• Sapallayki kanaykipaj jina uj lugarta maskʼay. Jesusqa Diosmanta mañakunanpaj “tutamanta jatarispa”, “chʼinnejman rerqa” (Mar. 1:35). Ichapis sapallayki kanaykipaj jina mana uj lugar kanmanchu. Jina kajtenqa familiaykita, manachayrí qanwan tiyakojkunata niy maykʼajchus estudianaykita, amataj chay rato pantachisunankuta.

• Ama saqeychu imapis pantachisunanta. Celularniykipi chayri tabletaykipi estudianki chayqa, mensajes chamojtin mana sonananpaj chʼinyachiy, chayri avioncitoman ñitʼiykuy mana ni ima chayamusunanpaj. Estudiashajtiyki imata ruwanaykita yuyarikunki chayqa, anotakuy estudiayta tukuytawanraj chayta ruwanaykipaj. Estudiashaspa waj imaspi yuyayta qallarinki chaytaj, sayarispa puriykachay chayri aysaykachakuy.