Ama sajra munayninchejwan atipachikunachu
“Diospa atiyninpa poqoynenqa: [...] munayninchejwan mana atipachikoj kay” (GÁL. 5:22, 23).
1, 2. 1) ¿Imaspitaj rikukunku ashkha runas sajra munayninkuwan atipachikusqankurayku? 2) ¿Imaynataj runas kananku karqa kay qhepa pʼunchaykunapi?
JEHOVAQA sajra munayninchejwan mana atipachikunapaj yanapawasunman (Gál. 5:22, 23). Jehová Diosqa mana imatapis ruwarpallanchu. Runastajrí juchasapa kasqanchejrayku, ashkha kutispi sajra munayninchejwan atipachikuspa, imatapis ruwarpallanchej. Ashkhas munayninkuwan atipachikusqankurayku problemaspi rikukunku. Wakenqa ruwanasninkuta mana chay ratochu ruwanku, nitaj allintachu trabajanku, nillataj allintachu estudianku. Wakintaj sajra munayninkuwan atipachikusqankurayku, machaykunku, divorciakunku, manukunku, viciospi urmanku, onqoj rikhurinku, pillawanpis puñuykuspa onqoyta chimpaykuchikunku, pillatapis maqarparinku, carcelman wisqʼaykuchikunku, chantá ima sajratapis parlarparillanku (Sal. 34:11-14).
2 Arí, sajra munayninkuwan atipachikojkunaqa llakiyllapi rikukunku, wajkunatapis llakichinku. Kay tiempopi runastaj sajra munayninkuwan atipachikushallankupuni. Bibliataj ñaupajmantaña nerqa, kay ‘qhepa pʼunchaykunapi’ runas ajinapuni kanankuta (2 Tim. 3:1-3).
3. ¿Imaraykutaj sajra munayninchejwan mana atipachikunanchejchu kanman?
Gén. 3:6). Ashkha runastaj paykuna jina ruwasqankurayku ashkha problemaspi rikukunku.
3 Sajra munayninchejwan ama atipachikunachu. Imaraykuchus sajra munayninchejwan atipachikusunchej chayqa, wajkunawan mana allintachu kausakusun, usqhayllata phiñarparikusun, ashkha problemaspitaj rikukusun. Chantapis ima juchapipis urmasunman. Chaykunataj Jehovamanta karunchawasunchej. Adanwan Evawanqa munayninkuwan atipachikusqankurayku, juchallikorqanku (4. ¿Imatataj Jehová allinta yachan?
4 Juchasapa kasqanchejrayku sajra munayninchejta mana atipayta atillanchejchu. Jehovataj chayta allinta yachan, chayraykutaj yanapayta munawanchej (1 Rey. 8:46-50). Payqa munakuywan, kʼachallamantataj yuyaychariwanchej, sajra munayninchejwan mana atipachikunapaj. Qhepan parrafospi, munayninchejwan mana atipachikunapaj, Jehovamanta yachakusunchej. Yachakullasuntaj Paypa ñaupa kamachisninmanta, paykunamanta wakenqa sajra munayninkuwan atipachikorqanku, wakintaj mana. Chantapis yachakullasuntaj, sajra munayninchejwan mana atipachikunapaj, imastachus ruwanamanta.
JEHOVAMANTA YACHAKUNA
5, 6. ¿Imatataj Jehová ruwasqa Kuraj Supay paypa contranta oqharikojtin?
5 Jehovaqa mana jaykʼajpis pantanchu, nitaj usqhayllata phiñakunchu (Deu. 32:4). Noqanchejrí juchasapas kanchej. Jinapis Jehovamanta yachakusunman phiñakuywan mana atipachikunapaj. Ajinamanta pillapis phiñachinawanchejpaj jina imatapis ruwajtin, mana usqhayllata phiñakusunchu. Qhawarina ima kutispichus Jehová mana usqhayllatachu phiñakusqanmanta.
6 Edén huertapi Kuraj Supayqa, Jehovaj contranpi oqharikorqa. Diospa angelesnintaj chayta rikuspa, maytachá Satanaspaj phiñakorqanku. Ichá noqanchejpis Satanaspaj phiñakullanchejtaj, juchanrayku ñakʼariypi kashasqanchejmanta. Jehová Diostajrí Satanaspa ruwasqanta mana allinpaj qhawajtinpis, mana usqhayta phiñakuspachu imatapis ruwarqa. Manaqa cheqan kajman jina allinchananta nerqa (Éxo. 34:6; Job 2:2-6). Payqa pacienciawan tiempo pasananta saqeshan, “imaraykuchus mana munanchu ni pi chinkachisqa kananta. Astawanqa munan tukuy pesachikunankuta” (2 Ped. 3:9).
7. ¿Imatá Jehovamanta yachakusunman?
7 Jehovamanta yachakunchej, niraj imatapis ruwashaspa chayri nishaspa allintaraj tʼukurina kasqanta. Chayrayku imata ruwananchejpajpis sumajtaraj piensarina. Jehovamanta yachayta mañakuna, cheqan kajman jina imatapis ruwanapaj, nitaj ima sajratapis parlanapaj (Sal. 141:3). Phiñasqa kashaspaqa, mana yuyaycharikuspa imallatapis ruwarparinchej chayri parlarparinchej, chantaraj pesachikushanchej (Pro. 14:29; 15:28; 19:2).
DIOSPA KAMACHISNINMANTA YACHAKUNA
8. 1) ¿Imatataj Biblia willawanchej? 2) ¿Imapitaj José piensarinman karqa, Potifarpa warminwan mana puñuykunanpaj? (3 paginapi dibujota qhawariy).
8 Bibliaqa willawanchej, unay tiempopi Diospa kamachisnenqa, sajra munayninkuwan mana atipachikusqankuta. Josemanta parlarina. Payqa Jacobpa wawan karqa. Potifarpa kamachintaj karqa. Potifarqa Faraonpa soldadosninmanta capitannin karqa. Joseqa kʼacha wayna, alajitutaj karqa. Chayrayku Potifarpa warmenqa Joseta munapayaspa, kutin kutita nej: “Jamuy, noqawan puñuykunki”, nispa. Joseqa sumajtachá piensarerqa, Potifarpa warminwan puñuykojtin, imaspichus tarikunanta. Chayrayku Joseqa, Potifarpa warmin Gén. 39:6, 9; Proverbios 1:10 leey).
paywan puñuykuyta munaspa pʼachanmanta japʼiykojtin, jinata nisqa: “Imaynatataj noqa ruwasaj kasqa chay millaytari, juchallikusajtaj Diospa contrampiri?”, nispa. Chaymantataj ayqerikaporqa (9. ¿Imatá ruwasunman mana juchapi urmananchejpaj?
9 Josemanta yachakunchej, pillapis ima juchapipis urmachiyta munawajtinchej, chaymanta ayqena kasqanta. Wakinkunaqa manaraj Jehovaj testigon kashaspa, anchatapuni mikhoj kanku, tomajtaj kanku, chantá cigarrota pitaj kanku, drogakoj kanku, khuchichakojtaj kanku. Jehovaj testigonña kaspataj, ichapis wakin kutis chay juchaspi urmanankupaj tanqasqa kankuman. Ajinapi rikukusunman chayqa, allin kanman piensarinanchej, chay juchapi urmajtinchej Jehovaj sonqonta mayta nanachinanchejpi. Chantapis ichá tʼukurisunman ima juchapichus urmananchejpaj jina kashasqanchejpi, chay juchapi mana urmanapajtaj imastachus ruwananchejpipis (Sal. 26:4, 5; Pro. 22:3). Maykʼajllapis ima juchaman urmanapaj jina kashajtinchejqa, Jehová Diosmanta yachayta, yanapanta ima mañakuna, sajra munayninchejwan mana atipachikunapaj.
10, 11. 1) ¿Imapitaj ashkha jóvenes colegiopi rikukunku? 2) ¿Pikunapitaj jóvenes tʼukurinkuman mana khuchichakuypi urmanankupaj?
10 Kay tiempopi ashkha cristiano jovenesqa, José jina rikukunku. Kimberlymanta parlarina. Colegiopi compañerasnenqa, sabadospi domingospiwan qhariwarmi jina joveneswan puñuykusqankumanta, alabakuspa cuentarej kanku. Kimberlytajrí mana compañerasnin jinachu karqa. Chayrayku compañerasnenqa paymanta asikoj kanku, sonsa kasqantataj nej kanku. Kimberlytaj ajinapi rikukusqanrayku, wakin kutis ni pi munakusqanta yuyaj, sapayakojtaj. Jinapis Kimberlyqa sumaj yuyayniyoj karqa. Imaraykuchus repararqa jovenesqa, qhariwarmi jina puñuykuyta manchayta munapayasqankuta (2 Tim. 2:22). Compañerasnintaj, “¿nirajchu piwanpis puñuykunki?” nispa nejtinku, Kimberlyqa sutʼinchaj imaraykuchus pillawanpis mana puñuykusqanmanta. Mayta kusikunchej Diospa llajtanpi jóvenes llimphu kausayniyoj kanankupaj, mayta kallpachakushasqankumanta, Jehová Diosninchejpis mayta kusikullantaj.
11 Bibliaqa willallawanchejtaj, unay tiempopi wakin runas, sajra munayninkuwan atipachikuspa, khuchichakuypi urmasqankuta. Willallawanchejtaj ima llakiykunapichus rikukusqankutapis. Proverbios 7 capitulopi uj wampu jovenmanta parlan. Kimberly jina khuchichakuypi urmanapaj tanqasqa kashanchej chayqa, allin kanman chay wampu jovenpi tʼukurinanchej, mana pantananchejpaj. Chantapis Amnonpi tʼukurillasunmantaj, pichus sajra munayninwan atipachikuspa, llakiykunapi rikukorqa (2 Sam. 13:1, 2, 10-15, 28-32). Tatasqa, familiankuwan Diosta yupaychashajtinku, Josemanta, Amnonmanta, chay wampu jovenmantawan wawasninkuwan parlarinkuman, sajra munayninkuwan mana atipachikunankupaj.
12. 1) ¿Imaraykutaj José hermanosninman mana willarqachu pay hermanonku kasqanta? 2) ¿Imaspi rikukuspataj Josejpa kausayninpi tʼukurisunman?
12 Josemanta parlarinallapuni. Uj kuti hermanosnin Egiptoman mikhunata rantimoj rerqanku. Joseqa imachus hermanosninkoj sonqonkupi kasqanta yachayta munasqanrayku, mana willarqachu pay hermanonku kasqanta. Jinapis sullkʼa hermanonta rikuspa casipuni waqarparqa. Usqhayta cuartonman yaykuspataj waqarikorqa (Gén. 43:30, 31; 45:1). Pi hermanollapis sonqonchejta nanachiwajtinchej, Josej kausayninpi tʼukurisunman, mana usqhayllata imatapis parlarparinapaj, nitaj imatapis ruwarparinapaj (Pro. 16:32; 17:27). Chantá familianchejmanta pillapis qharqosqa kashan chayqa, maytachá kallpachakunanchej kanqa, manaña paywan parlarinapaj. Sonqonchej paywan parlanapaj aysawajtinchejpis, Jehová Diospa kamachisqanta kasukuyta munanchej.
13. ¿Imatataj rey Davidpa kausayninmanta yachakusunman?
13 Kunantaj rey Davidmantañataj yachakuna. Saulwan Semeiwanqa Davidpaj sajrata rimarqanku. Davidtaj paykunata wañuchiyta atinman karqa. Jinapis mana paykunapaj phiñakorqachu, nitaj contrankuta imatapis ruwarqachu (1 Sam. 26:9-11; 2 Sam. 16:5-10). Chaywanpis uj kuti Davidqa, sajra munayninwan atipachikuspa Betsabewan puñuykorqa. Waj kutipitaj phiñakuyninwan atipachikuspa, Nabalta wañuchinanpaj kachaykukorqa (1 Sam. 25:10-13; 2 Sam. 11:2-4). ¿Imatataj rey Davidmanta ancianos yachakunkuman? Mana hermanospaj usqhayllata phiñakunankuta, nitaj sajra capataz jina hermanosta kamachinankuta. Chantapis Davidmanta yachakusunman, mana sinchʼita sayashasqanchejta yuyakunata (1 Cor. 10:12).
IMASTACHUS RUWAYTA ATISQANCHEJ
14. 1) ¿Imapitaj hermano Luigui rikukusqa? 2) Maykʼajllapis Luigui jina rikukuspa, ¿imaraykutaj may allinpuni phiñakuyninchejwan mana atipachikunanchej?
14 Phiñakuywan mana atipachikunanpaj, imatachus uj hermano ruwasqanmanta parlarina. Payqa Luigui sutikun. Uj kuteqa autonta qhepanmanta chocarpasqanku. Pichus autonta chocarpajqa, hermanota qhapariykusqa, maqaytataj munasqa. Hermanotaj Jehovamanta yanapata mañakusqa, phiñakuyninta ñitʼiykukunanpaj. Hermano kʼachamanta parlapayajtinpis, chay runaqa qhapariykullasqapuni. Jinapis hermanoqa mana phiñakuyninwan atipachikusqachu. Chaymanta semananmantaj uj señorata visitarej risqa, Bibliamanta yachachinanpaj. Chay señoraj qosantaj, autonta chocaykoj runa kasqa. Chay señoraj qosanqa mayta pʼenqakusqa, perdontataj mañakusqa. Autonta arreglachipunantataj nisqa. Chantá chay runaqa señoranwan khuska, hermanowan Bibliamanta parlarisqanku, maytataj gustachikusqa. Chay kutipi hermanoqa repararqa, mana phiñakuyninwan atipachikusqanqa, may allinpuni kasqanta. Chay hermano phiñakunmanchus karqa chayqa, chay señoraj qosan, nichá wasinpi rikullaytapis munanmanchu karqa (2 Corintios 6:3, 4 leey).
Phiñakuywan atipachikusunchej chayqa, predicacionpi manapuni allinchu riwasun. (14 parrafota qhawariy).
15, 16. ¿Imaraykutaj allin kanman Bibliata sapa día leenanchej, sumajtataj estudiananchej?
15 Bibliata sapa kuti sumajta estudiayqa, sajra munayninchejwan mana atipachikunapaj yanapawasun. Jehová Diosqa Josueman nerqa: “Diospa kamachiyninmanta qhelqata ñawiriyta amapuni qonqaychu. Tuta pʼunchay unanchay, imatachus nisqanta ruwanaykipaj, ajinamanta tukuy ima ruwasqaykipi allin risunampaj”, nispa (Jos. 1:8, Diosmanta Qhelqasqa, 1993). Arí, Bibliaqa yanapawasunman sajra munayninchejwan mana atipachikunapaj.
16 Bibliaqa willawanchej sajra munayninkuwan mana atipachikojkuna, ima bendicionestachus japʼisqankuta. Willallawanchejtaj sajra munayninkuwan atipachikojkuna, ima llakiykunapichus rikukusqankuta. Jehová Diosninchej Palabranpi chaykunata qhelqacherqa, paykunamanta yachakunanchejpaj (Rom. 15:4). Chayrayku may allin kanman Bibliata leenanchej, sumajtataj estudiananchej. Bibliata estudiashaspaqa imaspichus noqanchejta, familianchejtapis yanapananpi tʼukurina. Chantá Bibliaman jina kausakunapaj, Jehovamanta yanapata mañakuna. Sajra munayninchejwan chayri phiñakuywan atipachikusqanchejta reparanchej chayqa, Jehová Diosmanta yanapata mañakuna, publicacionespi yuyaychaykunata maskʼana, kausayninchejta cambianapajtaj mayta kallpachakuna (Sant. 1:5).
17. ¿Imatataj tatas ruwankuman, wawasninku sajra munayninkuwan mana atipachikunankupaj?
17 Tatas, wawasniykichejta yanapaychej, sajra munayninkuwan mana atipachikunankupaj. Chaypajqa qankunaraj sajra munayniykichejwan mana atipachikunaykichejchu tiyan, wawasniykichej qankunamanta yachakunankupaj (Efe. 6:4). Wawasniykichej sajra munayninkuwan atipachikushasqankuta reparankichej chayqa, imaynatachus kausakushasqaykichejta qhawarikuychej, allinchus manachus kasqanta yachanaykichejpaj. Wawasniykichejta ruwasqaykichejwan yachachiwajchej, predicacionman rispa, tantakuykunamanta mana faltakuspa, familiapi Diosta yupaychaspa ima. Chantá wawasniykichej, imatachus mana ruwanankuta sutʼita kamachiychej. Jehová Diospis Adanman Evamanwan imatachus mana ruwanankuta sutʼita kamacherqa. Chayta kasukunkuman karqa chayqa, Jehovata jatunpaj qhawankuman karqa. Tatas, Jehová jina ruwajtiykichej, Bibliaj nisqanman jinataj kausakojtiykichejqa, wawasniykichejta yanapankichej sajra munayninkuwan mana atipachikunankupaj. Chantá yanapallankichejtaj, Jehová Diosta jatunpaj qhawanankupaj, kamachiykunasnintataj kasukunankupaj (Proverbios 1:5-8 leey).
18. ¿Imaraykutaj sumajta qhawarikunanchej tiyan pikunawanchus purishasqanchejta?
18 Tatas chayri wawas kajtinchejpis, pikunawanchus purishasqanchejta sumajta qhawakunanchej tiyan. Amigosninchej Jehovata munakonqanku chayqa, Jehovapaj astawan llankʼanapaj yanapawasunchej, manataj problemaspi rikukusunchu (Pro. 13:20). Chantapis amigosninchej sajra munayninkuwan mana atipachikoj runas kanqanku chayqa, noqanchejpis paykuna jina ruwasunchej. Paykunapis noqanchej jina ruwanqanku, sichus sajra munayninchejwan mana atipachikusunchu chayqa. Astawanpis sajra munayninchejwan mana atipachikusunchu chayqa, Jehová Dios allinpajpuni qhawawasunchej, kusisqa kasunchej, familianchejpis kusisqallataj kanqa.