Tatasqa wawasninkuman Jehovamanta yachachinankupuni tiyan (Efe. 6:4). Chaypajtaj Jehovaj llajtanqa ashkha yanapasta orqhon. ¿Imaynatá chaykunawan yanapachikuwaj?

• Uj yachaqanata maskʼay. Jw.org paginapeqa imaschus wawaspaj, jovenespajpis orqhokorqa tukuy chaykuna kashan: videos, leenapaj yanapas ima. a Chaykunata tarinaykipajqa “Bibliaj yachachiykunasnin” nisqaman yaykuy, chaymantataj “Wawaspaj” chayri “Jovenespaj” nishan chayman.

• Ujta ajllay. “Wawaspaj” nisqapi imachus wawaykita yanapanman, chayman jina ajllay.

• Wawaykiwan chaymanta parlariy. Videosta, waj imastapis, ama “chayta qhawakushachunku” nispallachu jaywaykuy. Astawanqa sumajta wawaykiwan chayta ukhunchariy, yanapaytaj Jehovaj amigon kananpaj.