Nueva Zelandamanta uj hermananchej jw.org paginamanta uj videota qhawarerqa, chay video sutikorqa Preocupémonos unos por otros. Chay videopi nisharqa Jehovaqa mana khuyakullasqantachu, manaqa ruwasqanwan khuyakuyninta rikuchisqanta (Isa. 63:7-9). Chay videota qhawaytawan, chay hermanaqa pillatapis yanaparinanta nikorqa. Chay día wakin imasta rantikoj rerqa, chaypitaj callepi tiyakoj warmita rikorqa. Payqa mikhunitata rantipunanta nerqa, chay warmitaj “ya” nerqa. Hermana mikhunata jaywarishajtin paywan tumpitata Bibliamanta parlarerqa, ¿Llakiykuna chinkanqachu? nisqa tratadowan.

Chayta uyarispa chay warmeqa waqayta qallarikorqa. Hermanaman nerqa testigo familiapi wiñakusqanta, jinapis unay watasña congregacionmanta karunchakapusqanta. Chay kutistaj Jehovamanta mañakushasqa congregacionman kutinpunanpaj yanapananta. Chayta uyarispa chay hermanaqa uj Bibliata qorqa, qhepan kutipitaj estudiachinanta nerqa. a

Jehová jinallataj noqanchejpis runasta khuyakusqanchejta rikuchisunman, familianchejman, hermanosmanpis. Maypi kashaspa predicarispapis khuyakuyninchejta rikuchillasunmantaj.