Bibliata leeshaspa sumaj yachachiykunata tarinapajqa astawan ukhuncharinanchej tiyan. Pero, ¿imatá ruwasunman chay ukhunchasqanchejwan may sumajta yanapachikunapaj?

Leeshasqanchejpi tukuy imitasninta qhawaykurina. Kay tapuykunapi piensarisunman: “¿Pitaj kayta escriberqa? ¿Maykʼajtaj escriberqa? ¿Pikunamantaj chayta escriberqa? ¿Imataj chay tiempopi pasasharqa? ¿Imataj chaymanta aswan ñaupajta, aswan qhepamanpis pasarqa?”.

Imatachus yachakusqanchejpi piensarina. Kay tapuykunaj kutichiykunasninta maskʼasunman: “¿Imaynataj sientekunkuman karqa kaypi rikhurej runas? ¿Ima kʼacha kaykunatataj rikucherqanku? ¿Imaynatá noqapis paykuna jina ruwayman? ¿Imaspitaj pantarqanku? ¿Imaraykutaj mana kikin imaspi pantanaychu tiyan?”, nispa.

Yachakusqanchejman jina ruwana. Chayta ruwasunman predicashaspa chayri pi runallawanpis kashaspa. Ajinamanta Salmo 107:43 versiculopi nisqanman jina ruwashasun. Chaypi nin: “Yachayniyoj runaqa chay imasta sumajta reparanqa”, nispa.

• Kayta ruwawaj: Chaupi semana reunionninchejpi “Bibliamanta sumaj yachachiykuna” nisqa partepi, imaynatachus sumaj yachachiykunata yachachiwasqanchejta reparana, noqanchejpis kikillantataj ruwanapaj. Sapa semana chay partepeqa tapuykuna tiyan chay tapuykunata ruwakunapaj, wakin imaspi tʼukurinanchejpaj, dibujostapis sumajta qhawaykurinanchejpaj.