Arí. Iskaynitullanku uj wasipi sutʼiyasqankurayku ichapis puñuykunkuman karqa. Chayrayku ancianosqa juzgananku tiyan. Chaywanpis razones kajtenqa, wakin kutis mana juzganankuchu kanqa (1 Cor. 6:18).

Chayrayku ancianosqa uj cristianota juzganankutachus manachus yachanankupaj, sapa casota allinta qhawarinanku tiyan. Por ejemplo, qhawarinanku tiyan rejsinakushasqankutachus manachus, aswan ñaupajpi imaynatachus purishasqankumanta ancianos yuyaycharisqankutañachus manachus. Qhawarinallankutaj tiyan imajtinchus iskaynitullanku uj wasipi sutʼiyasqankuta, ichapis paykunapuni parlarikunkuman karqa iskaynitullanku kanankupaj. Qhawarinallankutaj tiyan imachus pasasqanta iskaynillanku qhepakunankupaj, ichapis uj emergencia kanman karqa chayri ichá ujnin wasinman kutipuyta munaspapis manapuni kutipuyta atinmanchu karqa (Ecl. 9:11). Chantá qhawarinallankutaj tiyan, maypichus sapa uj puñusqanta. Chantapis ancianosqa sapa caso mana kikinchu kasqanrayku, waj imastawan qhawarinanku tiyan.

Ajinamanta ancianosqa chaykunata qhawarisparaj nenqanku chay cristianota juzganankuchus manachus kasqanta.