Misioneros kanankupaq yachakuqkuna clase 124

Nisqamanta misionerosta langostaswan kikinchakun

ESTADOS Unidos suyupi Betel wasimanta llamkʼaqkuna, sapa suqta killa “Escuela Bíblica de Galaad de la Watchtower” nisqamanta graduacionman waqyarisqa kanku. Kay 2.008, watapi, marzo killapi 8 pʼunchayninpi, kimsa chunka suyusmanta chay graduación clase 124 nisqaman rirqanku. Chay tantakuypitaq 6.411 runas tantakurqanku.

Chay tantakuymanta kamachiqqa karqa, Stephen Lett, paytaq Diospa Llaqtanta Kamachiqkunamanta, karqa. Chay tantakuytataq, kay umallirichiywan qallarirqa: “Jehovap langostasninwan khuska ñawpaqman rillaychikpuni”, nisqawan. Apocalipsis 9:1-4 pʼitikunapi, akllasqasta, achkha langostaswan kikinchakun, imaraykuchus Diospa akllasqasninqa kay 1.919 watamantapacha, tukuy kallpawan Diosmanta willayta qallarirqanku. Chayta chay misionerosman yuyarichirqa, paykuna, ‘wak ovejasmanta’ kaqkunajina, Diospa akllasqasninta willaypi yanapanankupaq jukchaykukusqankuta (Juan 10:16).

Estados Unidos Betel wasipi Kamachiqkunamanta Lon Schilling, “Matrimonios puraqmanta yanapanakuychik” nisqata umallirichirqa. Chay 28 matrimoniosta yanapananpaq ñawpa siglomanta Áquila, Priscilamanta (chayri Prisca) parlarqa (Rom. 16:3, 4). Chantapis, misionerosjina maymanchus kachasqa kasqankupi allin rinanpaqqa, qhariwarmijina sumaq jukchasqa kanankuta nillarqataq. Bibliaqa mana Áquila sapitallantaqa uqharinchu, manaqa warmin Priscilamantawanpuni parlan, chaytaq rikuchiwanchik, qutuchakuymanta hermanos, apóstol Pablo ima, yacharqanku paykunaqa, sumaq jukchasqa, kawsakusqankuta. Kikillantataq, misionerospis kay matrimoniojina khuska Diosmanta willamunanku tiyan, Diosmanta mañakunanku tiyan, Bibliata ukhunchananku tiyan, ima chʼampay kaptinpis puraqmanta yanapanakunanku tiyan (Gén. 2:18).

Diospa Llaqtanta Kamachiqmanta kaq, Guy Pierce, kay: “Jehovajina kʼacha runas kaychik” nisqata umallirichirqa. Sutʼinchallarqataq kʼacha kayniyuq runaqa, mana saqra ruwayllatachu qhisachan, manaqa kallpakun allin kaqta ruwananpaq. Jehová Diospa, kʼacha kayninqa may jatun (Zac. 9:16, 17, NM). Arí, Diospa kʼacha kaynin, munakuynin ima, runa masinchikwan kʼacha kanapaq tanqawanchik. Chay umallirichiyta tukuchachkaspataq misionerosta astawan kallpachananpaq nirqa: “Qamkunaqa kʼacha kayniykichikta rikuchinkichikña. Suyaykutaq kaymanta ñawpaqman Diosjina kʼacha runas kanallaykichiktapuni, chantapis maymanchá Jehová kachasunqachik chaypi, allin kaqta ruwanallaykichiktapuni”, nispa.

Qhipan kaq umallirichiqtaq Michael Burnett karqa, payqa ñawpaqta misionerojina llamkʼarqa, kunantaq Galaadpi yachachiq kachkan. Paytaq “frenteykichejpi uj señal jina”, nisqata umallirichirqa. Israelitas, Egiptomanta Diospa atiyninwan kacharichikqas kasqankuqa, paykunapaq, ‘frentenkupi juk señaljina’  kanan karqa, nisunman imatachus Jehová paykunarayku ruwasqanmanta mana qunqakunankuchu karqa (Éxo. 13:16). Kikillantataq kay Galaadpi yachakuqkunata, imatachus yachakusqankuta, mana jaykʼaq qunqakunankuta, manaqa yachakusqankuta ‘juk señaltajina’ apanallankupaqpuni nikurqa. Chantapis hermano Burnett, mesionerosjina, llampʼu sunqu, maychus kaqta ruwanankuta, chantapis ima chʼampaypis paykuna ukhupi kaptin chayri wak runaswan ima, Bibliap yuyachasqanmanjina, allinchanankuta, nirqa (Mat. 5:23, 24).

Galaadpi yachachiq, Mark Noumair, umallirichirqa kayta, “¿Imatataq takinkichik?”, nispa. Israelitaspa tiemponpiqa, maqanakuypi atipasqankumanta takiq kanku. Chay takiykunamanta juk takiyqa, Rubén, Dan, Aser ayllusmanta maqanakuyta manchachikuq kasqankuta rikuchin; Zabulonpa aylluntaq maqanakuyta mana manchachikusqankumanta sumaqpaq qhawasqas karqanku (Jue. 5:16-18).  Pikunachus allin ruwasqasniykichikta rikuspa sumaqta parlanku. Diospaq llamkʼanapaq mayta kallpakuptinchik, Diospa llaqtanpi kamachiykuna kasqanmanjina ruwaspa, mana Jehová Diosllatachu kusichinchik manaqa ruwasqanchikwan hermanosninchikta kikinta ruwanankupaq yanapanchik, imaraykuchus paykunaqa chay “takiyta” uyarichkanku, nisunman allin ruwasqanchikta rikuchkanku.

Galaadpi yachakuqkunaqa Diosmanta willamuspa 3.000 horasta ruwaspa wakichikullarqankutaq. Sam Roberson, —paytaq, Diospa llaqtanpi yachachikunanpaq, wakichiqkunamanta— “Diospa espirituwan pusachikuy” nisqata umallirichirqa, chantapis, chay yachakuqkunata “willayninkupi imaynachus risqanmanta parlarinankuta, chantá runaman rikuchichkankumanjina ruwanankuta nirqa. Chaymantataq Estados Unidosmanta Betelpi Kamachiqkunamanta, Patrick LaFranca hermano, wak suyuspi misioneros kaqkunata tapurirqa. Yachakuqkunataq chay misionerospa yuyaychasqankuta uyarispa mayta agradecekurqanku.

Chay tantakuy tukukunanpaqtaq Diospa Llaqtanta Kamachiqkunamanta Anthony Morris hermano, kayta umallirichirqa “Yuyarikuychik ima llakiyllapis juk tiempolla kasqanta”, nispa. Bibliaqa yachachiwanchik mana anchata chʼampaykunapi llakichinawanchikta manaqa imatachus Jehová aswan qhipaman qunawanchikpi tʼukunanchikta (2 Cor. 4:16-18). Kay pachapiqa, wakchayay, mana chiqan kaq ruway, unquy, wañuy ima, may llakiyta tukuypaq apamun. Chaywanpis mana qunqakunachu kay chʼampaykunaqa juk tiempolla kasqanta, chayrayku Diospa kamachisqanmanjina kawsanallapuni.

Yachakuqkunaman diplomas nisqata yaywakusqantawan, hermano Lett chay yachakuqkunaman parlarirqa. Nirqataq: “Jehová ñuqanchikwan kachkanptinqa, payman juntʼa sunqu kasqanchikta mana ni ima chinkachinqachu”, nispa. Yachakuqkunata, langostasjina mana saykʼuspa Diospaq llamkʼanankuta, chantapis kasukuyninkuta, chiqa sunqu kasqankuta, sunqu kʼajayninkuta ima, rikuchinankuta nillarqataq.

[30 paginapi recuadro]

YACHAKUQKUNA

¿Machkha suyusmantataq karqanku?: 7

¿Machkha suyusmanta rinqanku?: 16

¿Machkhataq yachakuqkuna karqanku?: 56

¿Machkha watasniyuqtaq karqanku?, yaqha 34

¿Machkha watasñataq Bautizasqas kanku?, yaqha 19

¿Machkha watastañataq precursoresjina llamkʼanku?, yaqha 14

[31 paginapi dibujo/foto]

Escuela Bíblica de Galaad de la Watchtower nisqamanta, clase 124

Kay fotopi kaqkunaqa, ñawpaqmanta qhipaman yupasqa kachkanku, sutisninkutaq qallarichkan lluqinmanta paña ladoman.

1) Nicholson, T.; Main, H.; Senge, Y.; Snape, L.; Vanegas, C.; Pou, L. 2) Santana, S.; Oh, K.; Lemaitre, C.; Williams, N.; Alexander, L. 3) Woods, B.; Stainton, L.; Huntley, E.; Álvarez, G.; Cruz, J.; Bennett, J. 4) Williamson, A.; González, N.; Zuroski, J.; Degandt, I.; May, J.; Diemmi, C.; Tavener, L. 5) Lemaitre, W.; Harris, A.; Wells, C.; Rodgers, S.; Durrant, M.; Senge, J. 6) Huntley, T.; Vanegas, A.; Pou, A.; Santana, M.; Bennett, V.; Tavener, D.; Oh, M. 7) Zuroski, M.; Rodgers, G.; Diemmi, D.; Nicholson, L.; Álvarez, C.; Snape, J. 8) Harris, M.; González, P.; Main, S.; Woods, S.; Stainton, B.; Williamson, D.; Durrant, J. 9) Cruz, P.; Degandt, B.; Williams, D.; Wells, S.; Alexander, D.; May, M.

[32 paginapi dibujo/foto]

Escuela de Galaadqa, Centro Educativo de la Watchtower nisqapi tarikun