Ñawiriqkunapta tapuynin

Nehemías 8:10, NM nin: “Rispa, wirasta mikhumuychik”, nispa judiosman kamachikun, chantá Levítico 3:17 kamachiypitaq: “Amapuni wirata [...] mikhunkichejchu” nispa nin. ¿Imaptintaq kay kamachiykuna, mana kikinchu kaspa jinan?

Nehemías 8:10 pʼiti, hebreo qallupi “wirasta mikhumuychik” nispa tikrachikusqanqa mana kikinchu, kay Levítico 3:17 pʼitipi “wira” rimayta, tikrachikusqanwan. Kay qhipa kaq pʼiti hebreopi jélev nisqaqa, uywaspa, runaspa wiranmanta parlan (Lev. 3:3,4; Jue. 3:22). Kay 17 pʼitimanta wak pʼitisninqa, israelitas uywasta qʼulachisqankumanta mana chʼunchulasmanta, lurunmanta, wasanmanta ima wirataqa, mana mikhunankuta nin, imaraykuchus “uywaj tukuy wirasnenqa Tata Diospaj” kasqanrayku (Lev. 3:14-16). Chayrayku, Jehovapaq uywata qʼulachisqankumanta wirantaqa mana mikhunankuchu karqa.

Chantá, Nehemías 8:10, NM “wirasta” rimayqa maschmanním nisqaman tiqrachikun, juk kutillatataq Diospa Palabranpi Hebreo qillqapi rikhurin. Kay rimayqa schamén nisqamanta kachkan, chaytaq “anchata wirayay” ninayan. Kay rimayqa astawan rikuchiyta munaspajinan, allin, kapuyniyuq ima kanamanta (Isaías 25:6, kikinchay). Kay rimayqa sustantivo schémen nisqamanta kachkan, tikrachikuntaq “aceite” chayri “olivo aceitepaq” ima (Deu. 8:8; Lev. 24:2). Imaynatachus, Nehemías 8:10 maschmanním rimayqa, mikhuna achkha aceitewan ruwasqamanta parlachkan, ichapis aychayuqwan, may pisi wirawan ima.

Israelitasqa uywaq wirantaqa mana mikhunankuchu karqa, chaywanpis sumaq mikhunastaqa mikhuyta atirqanku. Chay mikhunasmanta wakinqa, jakʼumanta tortasta, mana uywa wirawanchu chaqruq kanku, manaqa aceitewan, astawan oliva aceitewan (Lev. 2:7). Chayrayku Perspicacia para comprender las Escrituras, jinata sutʼinchan: “‘Wiras’ rimayqa, may sumaq mikhunasmanta parlachkan, mayqinkunachus mana aychamantachu nitaq ima chʼakisqasmantachu, astawanqa, sumaq mikhuna aceitewan ruwasqasmanta parlachkan”.

Cristianosjina, chay wirata mana mikhunaqa israelitaspaq Kamachiy kasqanta yachanchik, manataq ñuqanchikpaqchu, nillataq uywa qʼulachinapis (Rom. 3:20; 7:4, 6; 10:4; Col. 2:16, 17).