Escuela de Galaad nisqamanta clase 125 nisqapi yachakuqkuna

Misionerosta kallpachakun Jeremiasjina kanankupaq

KAY 2008 watapi, septiembre, 13 pʼunchayninpi, Geoffrey Jackson, Diospa Llaqtanta Kamachiqkunamanta, kay Escuela Bíblica de Galaad de la Watchtower clase 125 nisqapi yachakuqkunap graduacioninman, 6.156 jamuqkunaman nirqa: “Kay clase Galaad nisqaqa ni jaykʼaq qunqanapaqjina”, nispa. Kay clase 125 nisqapi yachakuqkunawan, Escuela de Galaad nisqapiqa, 8.000 hermanosña yachakunku misioneros kanankupaq, paykunataq “tukuy kay pachap kʼuchusninkama”, willaq rinku (Hechos 1:8).

Kay tantakuypi wakichikusqanmanta, kamachiq hermano Jackson, yachakuqkunata tapurirqa: “Atienekunapaqjina kasqaykichik, ¿astawan sumaq willaqkuna kanaykichikpaq yanapasunqachikchu?”. Chantá, astawan atienekunapaqjina kanankupaq, maychus kaqllata yuyananku, Bibliap nisqanmanjinapuni kawsananku, Diospa Palabranmantapuni yachachinanku, Diospa sutinta tukuyman yachachinanku ima, may sumaq kasqanta sutʼincharqa.

Chantá David Schaffer, pichus Yachachiypaq Comisionpi llamkʼaq, kayta umallirichirqa: “¿Tukuynintachu japʼiqanki?” Kay umallirichiypi Galaadpi yachakuqkunaman sutʼincharqa, Jehovata maskʼaspallapuni, ‘allin kamachi yuyayniyuqtataq’ kasukuspallapuni, misionerojina sumaqta llamkʼanankupaq imaschus necesitakusqanta yachayta atisqankuta (Prov. 28:5; Mat. 24:45).

Chantá, Diospa Llaqtanta Kamachiqkunamanta, John E. Barr, kaymanta umallirichirqa: “Diospa munakuyninmanta ni ima karunchachisunaykichikchu tiyan”. Kay umallirichiypi munakuq tatajina yuyaychasqanqa, Galaadpi yachakuqkunata, tatasninkuta ima, musuq misioneros maymanchus kachasqa kasqankupi, ima chʼampaytachus atipanankumanta mana anchata manchikunankupaq yanaparqa. Chantá, nillarqataq: “Diospa munakuyninpi kayqa, ni imamanta manchachikunanchikpaq, kusisqas kananchikpaq ima yanapawanchik”, nispa. Misionerostaqa, ni ima Diospa munakuyninmanta tʼaqayta atinmanchu, paykuna Diosmanta karunchakunkuman chayllapuni.

Departamento de Escuelas Teocráticas nisqapi llamkʼaq Sam Roberson, uyariqkunata, “ima pʼachamantapis astawan sumaq pʼachata churakunankuta” nirqa. Jesuspa kawsayninmanta yachakuspa, yachakusqankumajina kawsakuspa ima, yachakuqkuna, ‘Jesucristowan pʼachawanjina pʼachallikuyta’ atisqankuta sutʼincharqa (Rom 13:14). Chantá, Departamento de Escuelas Teocráticas nisqapi kamachiq William Samuelson, runap ñawpaqinpi allinpaq qhawasqa kanamanta nisqaqa, Diospa ñawpaqinpi allinpaq qhawasqas kay, aswan sumaq kasqanta sutʼincharqa.

Chay clasepi juknin yachachiq, Michael Burnett, yachakuqkunata tapurirqa, willasqankupi imaynachus risqanmanta parlarinankupaq. Patterson llaqtapi, Escuela de Galaadpi yachakuchkaspa, yachakuqkunaqa, maypichus willamuq rirqanku chaypi achkhataña willakuptinpis, Bibliamanta yachakuyta munaqkunata tarirqanku. Oficina de Asambleas nisqapi llamkʼaq Gerald Grizzle, kimsa hermanoswan parlarirqa, paykunataq Escuela para miembros del Comité de Sucursal nisqapi yachakuchkarqanku. Chay parlarisqankutaq yachakuqkunata, imachus wak suyuspi suyasqanta, tumpata yachanankupaq yanaparqa.

 David Splane, pichus clase 42 nisqapi yachakuq, chantá Diospa Llaqtanpi Kamachiqkunamanta juknin, kayta umallirichirqa: “Jeremiasjina kay”. Jehovaqa, Jeremiasta kallpacharqa, kamachisqa kasqanta mana manchachikuspa juntʼananpaq, kikillantataq musuq misionerostapis kallpachanqa. Chantá hermano Splane nillarqataq: “Juk hermanopaq phiñasqa kaspaqa, tiyaykukuspa chunka kʼacha kaykunasninta qillqay. Mana chunka kʼacha kaykunasninta tarinkichu chayqa, mana niyta atiwaqchu chay hermanota allinta riqsisqaykita”, nispa.

Jeremiasqa, unayta willarqa. Manaña willayta atispataq Jehovamanta yanapata mañakurqa, Jehovataq yanaparqa (Jer. 20:11). Hermano Splane nirqa: “Manaña willayta atispaqa, Jehovamanta yanapata mañakuychik. Paytaq sumaqta yanapasunqachik”, nispa.

Chay tantakuyta kamachiq, chay tantakuypaq wakichikusqan tukukusqantawan, uyariqkunata nirqa, yachakuqkunaqa, atienekunapaqjina kayta tukuy imaymanamanta yachakusqankuta. Chaytaq Reinonmanta willachkaspa astawan sumaq willaqkuna kanankupaq yanapanqa (Isa 43:8-12).

[22 paginapi recuadro]

YACHAKUQKUNA

¿Machkha suyusmantataq karqanku?: 6

¿Machkha suyusmantaq rinqanku?: 21

¿Machkhataq yachakuqkuna karqanku?: 56

¿Machkha watasniyuqtaq karqanku?: 32,9

¿Machkha watasñataq bautizasqas kanku?: 17,4

¿Machkha watastañataq precursoresjina llamkʼanku?: 13

[23 paginapi dibujo/foto]

Escuela Bíblica de Galaad de la Watchtower nisqamanta clase 125

Kay fotopi kaqkunaqa, ñawpaqmanta qhipaman yupasqa kachkanku, sutisninkutaq lluqʼimanta paña ladoman qallarichkan.

(1) Hodgson, A.; Wall, A.; Beerens, K.; Hortelano, M.; Newman, L.; De Caso, A. (2) Jenkins, J.; Jarzemski, T.; Méndez, N.; Corona, V.; Canalita, L. (3) Fryer, H.; Savage, M.; Tidwell, K.; Erickson, N.; Dyck, E.; McBeath, R. (4) Perez, L.; Puse, L.; Skidmore, A.; Young, B.; McBride, N.; Rondón, P.; Goodman, E. (5) Beerens, M.; Ferguson, J.; Pearson, N.; Chapman, L.; Wardle, J.; Canalita, M. (6) Perez, P.; De Caso, D.; Young, T.; Rondón, D.; Goodman, G.; Jenkins, M.; Dyck, G. (7) Corona, M.; Wall, R.; Puse, S.; Méndez, F.; Jarzemski, S.; Savage, T. (8) Newman, C.; Ferguson, D.; Skidmore, D.; Erickson, T.; McBride, J.; Pearson, M.; Chapman, M. (9) Hodgson, K.; Wardle, A.; McBeath, A.; Tidwell, T.; Fryer, J.; Hortelano, J.