¿Yuyarikunkichu?

¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?

• Diosman juntʼa sunqu kay, ¿imaraykutaq cristianospaq may allin?

Imaraykuchus Jehovap kamachiyninta, munakusqanchikrayku kasukusqanchikta, Satanás llulla kasqanta ima rikuchinchik. Chantapis Jehovaqa, imayna juntʼa sunquchus kasqanchikmanjina juzgawanchik, ajinamanta suyakuyniyuq kanapaq (15/12, páginas 4-6).

• Diospa munayninta ruwaypi, Jesús kʼata kasqanta, ¿ima sutistaq rikuchin?

Kʼata Churi, Palabra, Amén, Jesuslla musuq tratomanta allinyachiq, Kuraq Sacerdote, Miraymanta suyasqa, ima (15/12, página 15).

• Elías, Jehovamanta parata mañakunankama, kamachinta, ‘Jatun Quchamanta’ phuyuta lluqsimuqta qhawananta nisqan, ¿imatá rikuchiwanchik? (1 Rey. 18:43-45.)

Eliasqa, jatun quchap yakun wawsispa phuyuman tukusqanta, chaymantataq paramusqanta yachasqanta rikuchiwanchik (04-06, páginas 15, 16).

• Diosmanta willayninchikpi, astawan kusiyta tarinapaq, ¿imatá ruwasunman?

Wak runasta, willasqanchikwan sumaqta yanapananchikpaq sunqunchikta wakichisunman. Chantapis willachkaspa, Bibliamanta yachakuyta munaqkunata tarinanchiktapuni yuyaspa willasunman. Maypichus willanchik chaypi, runa willayninchikta mana uyariyta munaptinpis, wakjinasmantañataq chay runasman willayninchikta uyarinankupaqjina willasunman (15/1, páginas 8-10).

• ¿Imaynatataq cristianos, Bibliamanta yachakusqankumanjina, wañusqasta pʼampanankupaq tantakuyta ruwanku?

Cristianosqa, familiankumanta pillapis wañupuptin waqaspapis, wañupuqkuna manaña imatapis sientesqankuta yachanku. Chayrayku mana cristianos kaqkuna, paykunapaq rimaptinkupis, paykunaqa mana ima costumbrestapis, runap espiritun kawsachkasqanta yuyaspa ruwankuchu. Mana chʼampaykuna kananpaqtaq wakin cristianosqa, kawsachkaspallaraq juk documentota ruwanku, imaynatachus wañupuptin pʼampanankumanta (15/2, páginas 29-31).

• ‘Jaserpa libron’, ‘Jehová maqanakuykunapi atipasqan libro’ ima, mana Bibliap librosninwan kasqan, ¿ninayanchu Diospa yuyaychasqan librosmanta wakin chinkasqanta? (Jos. 10:13; Núm. 21:14, NM.)

¡Mana! Ichapis, ñawpa tiempopi Bibliata qillqaqkunaqa, kay librosmanta parlarqanku. Chaywanpis chay librosqa mana Diospa yuyaychasqanchu karqa (15/3, página 32).