Kusiywan tukuy sunqu qunachik

APÓSTOL Pabloqa, imayna sunquwanchus qunanchikmanta jinata qillqarqa: “Sapa uj churachun sonqompi yuyasqanman jina, mana llakikuspa, nitaj kamachisqa jinachu, imaraykuchus Diosqa munakun pichus kusiywan qojta”, nispa (2 Cor. 9:7). Jehovaqa, sunqumantapacha qunanchikta munan, manataq tanqasqajinallachu. Chayrayku kusiywan, atisqanchikmanjinallataq qunanchikta munan. Llaqtanqa, unaymantapacha tukuy sunqu paypaq qun. Ima kutispichus ajinata qusqankuta qhawarina.

Jehová Diosqa, israelitasta Egiptomanta kacharichisqanmanta qhipaman, payta yupaychanankupaq toldota ruwanankuta kamachirqa. Chaypaqtaq, israelitasta imaschus necesitakusqanta munasqankumanjina apamunankuta nirqa. Paykunaqa, “tukuy sonqowan qoyta munarqanku”, chayrayku qurita, qullqita, wak may valorniyuq imastawan aparqanku. Mana michʼakuspa achkhata qusqankuraykutaq, Moisesqa, manaña astawan apamunankuta willachirqa (Éxo. 35:5-9, 21; 36:6, 7).

 Aswan qhipaman Diospa templonta ruwanankupaqtaq, llaqtanqa, chiqa yupaychaypaq qunallankutaq karqa. Rey Davidqa, Diospa wasin ruwakunanpaq kapuyninmanta achkhata churarqa, israelitastapis, mana michʼakuspa kikinta ruwanankuta nirqa. Jinatataq ruwarqanku, imaraykuchus qurita, qullqita ima qusqankuqa, dolarespi pachak waranqa junusmanjina (100 mil millonesman) yupakunman. Chantapis Bibliaqa, israelitas Diosman tukuy sunqu qusqankumanta mayta kusikusqankuta nin (1 Cró. 29:3-9; 2 Cró. 5:1).

Jesuspa discipulosninpis, mana michʼakuspa qullarqankutaq. Kay 33 wata Pentecostespi, 3.000 runasjina bautizakurqanku, manataq tukuyninkuchu Jerusalenmanta karqanku. Chay llaqtamanta cristianosqa, kapuyninkuta venderqanku, chay qullqitataq apostolesman aparqanku. Ajinamanta chay hermanos, Jerusalenpi qhipakuspa chiqa yachachiymanta astawan yachakunankupaq. Jehovaqa, chay cristianos iñiyninkuta, munakuyninkuta ima, rikuchisqankumanta, ¡maytachá kusikurqa! (Hech. 2:41-47.)

Kay tiempomanta cristianospis, Diospa Reinonmanta willakunallanpaqpuni, mana michʼakuspa, kusiywantaq, tiemponchikta, kallpanchikta, kapuyninchikta ima, quchkanchik. Kay urapi rikhuriq recuadroqa, imaynasmantachus quyta atisqanchikta rikuchichkan.

[18, 19 paginaspi recuadro]

MAYJINASMANTA QUYTA ATISUNMAN

PACHANTINPI WILLAKUNANPAQ QULLQI

Achkha hermanosqa, qullqinkumanta sapa killa, “Pachantinpi willakunanpaq” nisqa cajitasman churanankupaq tʼaqanku.

Qutuchakuykunataq chay qullqita sapa killa, suyunkup sucursalninman apachinku. Chantapis, qam qullqita quyta munanki chaytaqa, kay Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, nisqaman apachiyta atillankitaq chayri may suyupichus tiyakunki chay sucursalman. (Kay recuadropi, imaynasmantachus munasqaykimanjina quyta atisqaykita sutʼinchachkan, chaykunamanta mayqillantapis ruwayta munaptiykiqa, suyuykipi kaq sucursalmanpis apachillawaqtaq.) Juk chequeta apachiyta munaspataq, kay “Watchtower” sutipi ruwanayki tiyan. Chantapis, may valorniyuq zarcillosta, wallqhasta, anillosta chayri wak imasta churay atikullantaq, chaypaqtaq juk cartata qillqakunan tiyan, sutʼinchaspa mana ni imata suyaspalla apachikuchkasqanta.

QUSPA MAÑAKAPUYTA ATIWAQ

Juk documentota (fideicomiso) ruwaspa, Watch Tower Bible and Tract Society of Pennsylvania sutinpi, Pachantinpi willakunanpaq, bancoman qullqita churayta atiwaq. Chaywanpis, munaspaqa watiqmanta mañakapuyta atinkiman. Astawan yachanaykipaqqa, kay Tesorería (Treasurer’s Office) nisqaman, (718) 560-7500 yupayman waqyariwaq chayri ñawpaq parrafopi rikhuriq direccionman qillqawaq.

ÑAWPAQMANTA WAKICHIKUSPA KAYJINASMANTA QUWAQ

Chantapis, Pachantinpi willakunanpaq, wakjinamanta yanapayta atikullanmantaq, chaykunamantataq kaykuna kanku:

Seguros. Seguro de vida nisqaman qullqita churasqaykita, chayri jubilacionniykipaq tantachkasqayki qullqita, kay Watch Tower Bible and Tract Society of Pennsylvania nisqa japʼinanpaq, juk ducumentota ruwawaq.

Bancopi qullqiykimanta. Bancoman qullqita churasqayki documentota, chayri jubilacionniykipaq ruwasqayki documentota, Watch Tower Bible and Tract Society of Pennsylvania nisqap sutinman churanaykipaq, juk documentota (fideicomiso) ruwawaq, chayri wañupuptiyki, suyuykipi leyesmanjina chay qullqita urqhukapunanpaq.

Bono nisqa, juk empresapi churasqayki qullqi. Juk empresapi churasqayki qullqita chayri bono nisqata, Watch Tower Bible and Tract Society of Pennsylvania nisqaman quyta atillawaqtaq. Chantapis, wañupuptiyki chay qullqita, Watch Tower japʼikapunanpaq juk documentota ruwawaq.

Inmuebles (wasi, jallpʼa...). Vendekunanpaqjina wasita, jallpʼata ima quyta atillankitaq, mana imata suyaspalla, chayri wañupuptiyki Watch Tower nisqa japʼikapunanpaq, juk documentota ruwawaq. Manaraq chayta ruwachkaspaqa, suyuykipi sucursalman waqyayta atinki.

Qusqayki qullqimanta renta. Qullqiykita chayri bancoman churasqayki qullqimanta documentoykita, Jehovamanta sutʼinchaqkunap mayqin corporacionninmanpis pasapunanpaq, juk documentota ruwawaq, chaymantataq, sapa wata juk rentata wañupunaykikama qusunkuman, (chayri pimanchus qunankuta ninki chayman). Chantapis, qullqiykimanta impuestota pisillataña pagankiman.

Testamentos y fideicomisos. Qullqita, chayri wak kapuyniykita Watch Tower Bible and Tract Society of Pennsylvania nisqaman, juk notariowan documentota ruwachispa herenciatajina chayri fideicomisopi saqiyta atinki. Juk religionman fideicomisopi imatapis quyqa, imatachus quchkanki chaymanta impuestosta pisiyachinman.

Rikunchikjina ajinamanta yanapayta munaqkunaqa, ‘ñawpaqmanta wakichikunanku’ tiyan. Pikunachus Pachantinpi willakunanpaq qullqita quyta munaqkunapaq, inglespi, castellanopi ima, kay Donaciones planificadas para favorecer el servicio del Reino en todo el mundo, nisqa folleto wakichikun. Kay folletotaq imaynasmantachus qullqita, wak imasta ima, quyta atisqanchikmanta sutʼinchachkan. Kay folletota ñawiriytawan, abogadosninkuta tapuriytawan, achkha runasqa, allin willaykuna pachantinpi willakunanpaq yanapanku, ajinata yanapaqkunaqa pisillataña impuestosta paganku. Kay folletoqa, kay Oficina de Donaciones Planificadas (Charitable Planning Office), nisqamanta mañakuyta atiwaq.

Astawan yachayta munaspaqa, kay Oficina de Donaciones Planificadas nisqaman chayri suyuykimanta sucursalman waqyariyta atinki.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707