Mana michʼakuq imillita

BRASILPIQA, jisqʼun watayuq juk imillita, tantakusqan qullqita iskayman tʼaqarqa: 18 dolaresman, 25 dolaresmanwan. Chunka pusaqniyuq dolarestaqa, Tantakunapaq Wasipi, qutuchakuypaq qullqi cajaman churaykusqa. Iskay chunka phichqayuq dolarestataq, suyunmanta Jehovamanta sutʼinchaqkunap sucursalninkuman, juk cartawan khuskata apachisqa. Chay cartapiqa, ajinata nirqa: “Jehová Diosta mayta munakusqayrayku, hermanos Reinomanta Jallpʼantinpi willamunallankupaqpuni, yanapayta munani”, nispa.

Tatasninqa, kay imillitaman Reinomanta willakunallanpaqpuni tukuy imaymanamanta yanapayta atisqanta yachachirqanku. Chantapis, “tukuy kapuyni[nwan] Tata Diosta jatunchay[ta]” atisqanta yachachillankutaq (Pro. 3:9). Ñuqanchikpis, Reinomanta willakunallanpaqpuni, kapuyninchikmanta tukuy sunquwan chay imillitajina quna.