¿Yuyarikunkichu?

¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?

• ¿Imaynatá juchasninchikta Dios perdonasqanta yachasunman?

Manasesqa, Jehovap ñawpaqinpi saqra imasta ruwarqa. Chaywanpis “Jehová Diosninpa uyanta llampʼuyachirqa” “mayta kʼumuykukuspa” ima mañakurqa (2 Cró. 33:12, 13, NM). Manasesqa, juchasninmanta sunqumantapacha pesachikurqa, Jehovataq chayta rikuspa perdonarqa. Chayrayku, Jehová mana perdonanawanchikta yuyaspaqa, Manasesmanta yuyarikusunman (1/4, página 20).

• ¿Imastaq tukuy imapi chiqan runas kanapaq yanapawasun?

Kaykuna: 1. Diosta manchachikuy (1 Ped. 3:12); 2. Biblia yachachisqanmanjina sunqu yuyayninchikta yachachiy; 3. kapuwasqallanchikwan kusisqa kawsakuy (15/4, páginas 6, 7).

• ¿Imaynatá yachanchik Diosta allinta yupaychaqkuna kusirikuyta atisqankuta, nitaq phiñasqajinallachu kasqankuta?

Jesusqa mayta yachachiwanchik. Payqa, amigosninwan mikhurikunanpaq tiempocharikuq, nitaq phiñasqajinallachu kaq. Paywanqa wawaspis mayta kusikuq kanku (15/4, página 10).

• Romanos 11 tʼaqapi olivo sachʼamanta parlakusqan, ¿imawantaq kikinchakun?

Abrahampa iskay kaq mirayninwan, nisunman akllasqa cristianoswan. Olivo sachʼap saphinqa Jehovawan ninakun, kʼulluntaq Jesuswan ninakun. Jehovaqa, achkha judíos Jesusta qhisachasqankurayku, mana judío kaqkuna cristianosta, Abrahampa iskay kaq mirayninmanta kanankupaq akllarqa. Chayta ruwaspaqa tʼinkichkanmanpisjina karqa (15/5, páginas 22-25).

• Jesusqa, mana juchasapa mirayniyuq kayta atinman karqa, ¿chay miraynin salvayta atinmanchu karqa?

Mana. Jesusqa may chhika mana juchasapa mirayniyuq kayta atirqa, chay mirayninrí mana salvayta atinmanchu karqa. Imaraykuchus Jesuspa kawsaynillan Adanpa juchanmanta salvan (1 Tim. 2:6) (15/6, página 13).

• ¿Imaptin Jesús Martaman nirqa: “Ujllamin aswan walejqa”, nispa? (Luc. 10:41, 42.)

Jesusqa, Martata mana achkha mikhunata waykʼuchkasqanmantachu juchachachkarqa. Nitaq mayta llamkʼachkasqanta pisipaq qhawasqantachu rikuchichkarqa. Astawanpis imatachus chay ratopi aswan ñawpaqta ruwanan kasqanta rikuchiyta munarqa. Martaqa, iñiyninta kallpachananmanta wak ruwaykunawan musphaykachkarqa (1/7, páginas 12, 13).

• “Qan ninki” rimaywan, ¿imatá Caifasman Jesús niyta munachkarqa? (Mat. 26:63, 64.)

Judiosqa kay rimayta arí nispa kutichinankupaqsina uqhariq kanku. Kuraq sacerdotenku Caifasqa, Jesusta tukuypa ñawpaqinpi paychus Cristo, Diospa Churin kasqanta tapuptin Jesús kutichirqa: “Qan ninki” nispa (1/7, página 18).

• ¿Imastataq Jesusta juzgachkaspa mana leymanjinachu ruwarqanku?

Juzgaqkunaqa, Jesusman sayaykuspa declaranankupaq testigosta mana mañarqankuchu. Llullakuq testigosta maskʼarqanku. Chʼisinpi juzgarqanku. Juicioqa juk diallapi qallarirqa, tukukurqa ima (1/7, página 22).

• ¿Imaynatá Hechos 20:29, 30 pʼitis llullata yachachiqkunamanta yuyaychasqanta, kasukusqanchikta rikuchinchik?

Paykunataqa, mana napaykunchikchu, nitaq wasinchikman waqyarinchikchu (Rom. 16:17; 2 Juan 9-11). Teleniqta imallatapis rikuchisqankuta, Internetniqta chayri librospi qillqasqankuta mana ñawirinchikchu nitaq uyarinchikchu (15/7, páginas 15, 16).