Ñawiriqkunapta tapuyninku

Bibliata ñawirisqaymanta tapuyniy kaptin chayri juk chʼampaypi kaspa yanapata necesitaptiy, ¿imatá ruwayman?

Proverbios 2:1-5 nisqanmanjinaqa yachayta, yachayniyuq kayta ima “qolqe pʼampasqata jina[...]” “maskʼa[na]”. Chaytaq Bibliata ñawirisqanchikmanta tapuykunaman kutichinapaq, chʼampaykunasninchikta allinchanapaq ima, kallpachakunanchikta niyta munan. ¿Imaynatá chayta ruwasunman?

Benefíciese de la Escuela del Ministerio Teocrático nisqa libropi, páginas 33 a 38 “La investigación eficaz” nisqa yachaqana rikhurin, chaytaq imaynatachus “allin kamachi, yuyayniyoj[...]” quwasqanchik imasta apaykachanata sutʼinchan (Mat. 24:45). Chantá 36 paginanpi imaynatachus Índice de Publicaciones de la Watch Tower nisqapi maskʼanata sutʼinchan. Chay libropiqa iskay listas rikhurin, ñawpaq kaqqa tukuy imamanta, juknintaq Bibliap pʼitisninmanta. Chaytaq palabraswan, pʼitiswan ima maskʼanaykipaq yanapasunqa, ajinamanta ima publicacionespichus sutʼinchakuchkasqanta yachanki. Juk tapuypa kutichiyninta chayri allin yuyaychayta maskʼachkaspaqa, pacienciayuq kanayki tiyan. “Qolqe pʼampasqata jina[...]” maskʼachkasqaykita yuyarikuy, chaypaqtaq tiempochakunayki, kallpachakunaykitaq tiyan.

Publicacionesninchikqa, mana tukuy yachachiykunamantachu nitaq Bibliap tukuy pʼitisninmantachu sutʼinchanku. Chantapis juk pʼitimanta sutʼinchaspaqa, mana imatachus yachayta munasqanchiktapunichu sutʼinchachkanman. Chantá wakin tapuykunaqa, Bibliapi mana allinta sutʼinchakusqanrayku rikhurin. Chayrayku kutichiykunataqa mana tarillanchikchu. Chaywanpis mana yuyasqanchikmanjinallachu juk kutichiyta kutichinanchik tiyan. Imaraykuchus ajinata ruwayqa, “runasta churanachin, manataj paykunata yanapanchu Diospa imasnimpi wiñanankupaj, mayqenkunachus creeynejta jamun, chaypi” (1 Tim. 1:4; 2 Tim. 2:23; Tito 3:9). Publicacionesninchikpi mana kutichiykuna rikhurisqantaqa, ni sucursalespis, nitaq Diospa llaqtanta kamachiqkunapis kutichiyta, ukhunchayta ima atinkuchu. Chantapis Diospa Palabranpi allinta kawsakunanchikpaq yachakusqanchikwan sunqu juntʼasqa kawsakunanchik tiyan. Imaraykuchus mana tukuy ima Bibliapi sutʼinchakusqanqa, Jehovapi astawan atienekunapaq yanapawanchik (Jehovaman qayllaykuna libromanta 185,186 paginasta ñawiriy).

Imamantachus tapukusqaykiman niraq kutichiyta tarispa, ¿imastá ruwawaq? Juk sumaq wakichisqa hermanowan, chayri qutuchakuyniykimanta ancianowan parlariy. Paykunaqa Bibliamanta, cristiano kawsaymanta ima sumaqta yachanku. Yanapayninkuqa, sumaqpuni kanqa, astawanqa chʼampayniykimanta chayri imatachus ruwanaykimanta allinta yachasqankurayku. Chantapis imachus llakichisusqanmanta Diosmanta mañakuypuni. Espíritu santop yanapaynintataq mañakuy imaraykuchus Jehovaqa “yachayta[...]”, “sumaj yuyayniyoj kay[ta]” ima qun (Pro. 2:6; Luc. 11:13).