¿Yanapayta atisqanchikta sumaqpaqchu qhawanchik?

ÑAWPA tiempomanta Filipospi tiyakuq cristianosqa, Diosta yupaychakunallanpaqpuni yanapasqankurayku may riqsisqa karqanku. Pabloqa, Dios yuyaychasqanmanjina qillqarqa: “Sapa kuti qankunamanta yuyarikuspa, Diosniyman graciasta qonipuni. Diosmanta mañakuspaqa, kusiywampuni tukuy qankunapaj mañapuykichej, evangeliota willanaypaj yanapawasqaykichejmanta qallariymantapacha kunankama”, nispa (Fili. 1:3-5). Payqa, Lidia wasinman waqyarisqanmanta manachá qunqakurqachu. Lidiaqa familiantin bautizakuytawan wasinpi Pablota paywan willaqkunata ima qhipakunankuta nirqa (Hech. 16:14, 15).

Pabloqa, aswan qhipaman Tesalonicapi kaq cristianoswan semanasta qhipakurqa. Filipospi chay kutillapiraq sayarichisqa qutuchakuymanta kaqkunaqa, iskay kutipi imatachus necesitasqanta apachirqanku, chay qutuchakuyqa Tesalónica  llaqtamanta yaqha 160 kilometrospi kachkarqa (Fili. 4:15, 16). Qhipan watasmantaq Filiposmanta, Macedoniamanta ima kaq hermanosqa, llakiy tiempopi “may wajchas” ima kachkaspapis, Jerusalenmanta kaq cristianosta qhatiykachasqas kachkaptinku yanapayta munarqanku. Pabloqa, “atisqankumantapis astawanraj” ruwasqankuta nirqa. Chantapis qillqarqa: “Maytapuni paykuna mañarikuwarqayku chay tantasqanku yanapata japʼinaykuta”, nispa (2 Cor. 8:1-4; Rom. 15:26).

Filipensesqa, yaqha chunka watastaña cristianosman tukusqankumanta ajinallatapuni yanapachkarqanku. Pablo Romapi presochasqa kasqanta yachaspaqa, Epafroditota yanapata apachispa kacharqanku. Payqa 1.300 kilometrosta chakipi barcopitaq viajarqa. Arí, Filipensesqa Pablota presochasqa kachkaptinpis Diosmanta willanallanpaqpuni, hermanosta kallpachanallanpaqpunitaq yanapayta munarqanku (Fili. 1:12-14; 2:25-30; 4:18).

Kay tiempomanta chiqa cristianosqa, Diospa Reinonmanta willakunallanpaqpuni yanapayta atisqankuta may sumaqpaq qhawanku (Mat. 28:19, 20). Chayrayku Diospa Reinonmanta willakunallanpaqpuniqa, tiempochakunku, kallpachakunku, kapuyninkumantataq qunku. Kay urapiqa, Dios kamachiwasqanchikta juntʼanapaq, imaynatachus yanapayta atisqanchikta rikuchichkan.

[22, 23 paginaspi recuadro]

IMAYNASMANTÁ YANAPAYTA ATISUNMAN

PACHANTINPI WILLAKUNANPAQ QULLQI

Achkha hermanosqa, qullqinkumanta sapa killa, “Pachantinpi willakunanpaq” nisqa cajitasman churanankupaq tʼaqanku.

Qutuchakuykunataq chay qullqita sapa killa, suyunkup sucursalninman apachinku. Chantapis, qam qullqita quyta munanki chaytaqa, kay Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, nisqaman apachiyta atillankitaq chayri may suyupichus tiyakunki chay sucursalman. (Kay recuadropi, imaynasmantachus munasqaykimanjina quyta atisqaykita sutʼinchachkan, chaykunamanta mayqillantapis ruwayta munaptiykiqa, suyuykipi kaq sucursalmanpis apachillawaqtaq.) Juk chequeta apachiyta munaspataq kay “Watchtower” sutipi ruwanayki tiyan. Chantapis, may valorniyuq zarcillosta, wallqhasta, anillosta chayri wak imasta churay atikullantaq, chaypaqtaq juk cartata qillqakunan tiyan, sutʼinchaspa mana ni imata suyaspalla apachikuchkasqanta.

QUSPA MAÑAKAPUYTA ATIWAQ

Juk documentota (fideicomiso) ruwaspa, Watch Tower Bible and Tract Society of Pennsylvania sutinpi, Pachantinpi willakunanpaq, bancoman qullqita churayta atiwaq. Chaywanpis, munaspaqa watiqmanta mañakapuyta atinkiman. Astawan yachanaykipaqqa, kay Tesorería (Treasurerʼs Office) nisqaman, (718) 560-7500 yupayman waqyariwaq chayri ñawpaq parrafopi rikhuriq direccionman qillqawaq.

ÑAWPAQMANTA WAKICHIKUSPA KAYJINASMANTA QUWAQ

Chantapis, Pachantinpi willakunanpaq, wakjinamanta yanapayta atikullanmantaq chaykunamantataq kaykuna kanku:

Seguros. Seguro de vida nisqaman qullqita churasqaykita, chayri jubilacionniykipaq tantachkasqayki qullqita, kay Watch Tower Bible and Tract Society of Pennsylvania nisqa japʼinanpaq, juk documentota ruwawaq.

Bancopi qullqiykimanta. Bancoman qullqita churasqayki documentota, chayri jubilacionniykipaq ruwasqayki documentota, Watch Tower Bible and Tract Society of Pennsylvania nisqap sutinman churanaykipaq, juk documentota (fideicomiso) ruwawaq chayri wañupuptiyki, suyuykipi leyesmanjina chay qullqita urqhukapunanpaq.

Bono nisqa, juk empresapi churasqayki qullqi. Juk empresapi churasqayki qullqita chayri bono nisqata, Watch Tower Bible and Tract Society of Pennsylvania nisqaman quyta atillawaqtaq. Chantapis, wañupuptiyki chay qullqita, Watch Tower japʼikapunanpaq juk documentota ruwawaq.

Inmuebles (wasi, jallpʼa...). Vendekunanpaqjina wasita, jallpʼata ima, quyta atillankitaq mana imata suyaspalla chayri wañupuptiyki Watch Tower nisqa japʼikapunanpaq, juk documentota ruwawaq. Manaraq chayta ruwachkaspaqa, suyuykipi sucursalman waqyayta atinki.

Qusqayki qullqimanta renta. Qullqiykita chayri bancoman churasqayki qullqimanta documentoykita, Jehovamanta sutʼinchaqkunap mayqin corporacionninmanpis pasapunanpaq, juk documentota ruwawaq, chaymantataq sapa wata juk rentata wañupunaykikama qusunkuman, (chayri pimanchus qunankuta ninki chayman). Chantapis, qullqiykimanta impuestota pisillataña pagankiman.

Testamentos y fideicomisos. Qullqita, chayri wak kapuyniykita Watch Tower Bible and Tract Society of Pennsylvania nisqaman, juk notariowan documentota ruwachispa herenciatajina chayri fideicomisopi saqiyta atinki. Juk religionman fideicomisopi imatapis quyqa, imatachus quchkanki chaymanta impuestosta pisiyachinman.

Rikunchikjina, ajinamanta yanapayta munaqkunaqa, ‘ñawpaqmanta wakichikunanku’ tiyan. Pikunachus Pachantinpi willakunanpaq qullqita quyta munaqkunapaq, inglespi, castellanopi ima, kay Donaciones planificadas para favorecer el servicio del Reino en todo el mundo, nisqa folleto wakichikun. Kay folletotaq imaynasmantachus qullqita, wak imasta ima, quyta atisqanchikmanta sutʼinchachkan. Kay folletota ñawiriytawan, abogadosninkuta tapuriytawan, achkha runasqa, allin willaykuna pachantinpi willakunanpaq yanapanku, ajinata yanapaqkunaqa pisillataña impuestosta paganku. Kay folletoqa, kay Oficina de Donaciones Planificadas (Charitable Planning Office), nisqamanta mañakuyta atiwaq.

Astawan yachayta munaspaqa, kay Oficina de Donaciones Planificadas nisqaman chayri suyuykimanta sucursalman waqyariyta atinki.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707