¿Yuyarikunkichu?

¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?

• Dios, “Noqa qampata kasaj” Levitasta nispa, ¿imatá niyta munachkarqa?

Israelmanta sapa ayllu, jallpʼata herenciatajina japʼirqanku, chaywanpis levitaspataqa, Jehová herencianku karqa (Núm. 18:20). Paykunaqa mana jallpʼata japʼinankuchu karqa, chaywanpis Jehovata sirviyta atisqanku herenciankujina karqa. Jehovaqa, imatachus necesitasqankuta qurqa. Kay tiempopiqa, Diospa Reinonta ñawpaqman churaqkunaqa, Jehová tukuy necesitasqankuta qunanpi atienekunkuman (15/9, páginas 7-8, 13).

• ¿Pitaq wawasta yachachinan tiyan?

Bibliapiqa, tata mama ima, yachachinankuta nin (Pro. 1:8; Efe. 6:4). Chaytaq may sumaqta wawasta yanapan (1/10 páginas 6, 7).

• ¿Ima qanchis puquykunataq Israelpi puquq?

Bibliapi Israel jallpʼata urquswan, valleswan, wayqʼuswan, kinraykunawan, loma pampaswan, mayuswan, yaku juturiswan ima kasqanta rikuchin.Tukuy laya jallpʼasniyuq, chaykunapitaq chiri tiempo, qʼuñi tiempo, chʼaki tiempo, para tiempo ima tiyan. Chaypiqa tukuy laya puquykunata tarpunku. Moisesqa israelitasta “sumaq jallpʼaman” rinallankupaqpuni kallpachananpaq nirqa: “Chay jallpʼapeqa poqon cebada, trigo, uvas, higos, granadas, olivos ima; chantapis kallantaj aceite, abeja miskʼi ima”, nispa (Deuteronomio 8:7, 8) (1/10, páginas 11-13).

• ¿Imaraykutaq Dorcas may munasqa karqa?

Bibliaqa may chhika regalosta qusqanta, wakkunata yanapasqanta ima nin. Viudaspaq kʼachitu pʼachasta ruwaq. Chantapis, Jehovamanta, Jesusjina tukuyman willaq (Hechos 9:36-43) (1/10, páginas 14, 15).

• ¿Imaynatá Jesuspa tiemponpi ima horapichus chʼisinpi kachkasqankuta yachaq kanku?

Pʼunchaypiqa, intimanta relojwan ima horapichus kachkasqankuta yachaq kanku. Phuyumuptintaq chayri chʼisiyaykuptin, yakumanta relojwan, clepsidra nisqa sutiwan. Kaytaqa ñawpa tiempomanta egipcios, persas, griegos, romanos, chinos ima apaykachaq kanku (1/10 página 23).

• ¿Juk laya runasllatachu Dios allinpaq qhawan?

Mana, Biblia nin: “Diosqa mana wakillantachu allimpaj qhawan, manachayqa mayqen nacionllamantapis pichá Diosta manchachikoj, cheqa kajtataj ruwaj runatamin Diosqa allin ñawiwan qhawan”, nispa (Hechos 10:34, 35). Jehovaqa mana runap colornintachu, nitaq rikchʼaynintachu qhawan, manaqa sunqun ukhuta (1 Samuel 16:7) (1/10 página 31).

• ¿Imaynatá juk cristiano kusirikusqan allinchus manachus kasqanta yachanman?

Kusirikunapaq akllasqanchik yanapanawanchikpaqjina, Jehovata kusichinanpaqjinataq kasqanta yachanapaqqa, allin kanman tapurikunanchik: ¿Imaynatataq ruwasaq? ¿Maykʼaqtaq ruwasaq? ¿Pikunawantaq ruwasaq? (15/10, páginas 9-12).

• ¿Imaynatá Proverbios 7:6-23 nisqan qʼala runasta qhawayta qhisachanapaq yanapawasunman?

Chay pʼitipiqa, juk wayna, maypichus mana allin kawsayniyuq warmi tiyakuq chayniqta purisqanmanta parlachkan. Chay warmiqa, sunqunta suwarqa. Kay tiempopipis, Internetpi kachkaspa millay imas rikhuriptinqa, mana qhawanachu, chantapis Diosmanta yanapata mañakuna, niraq chay imas internetpi rikhurichkaptin (15/11, páginas 9-10).