¿Kay killasmanta Torremanta Qhawaj revistasta leerqankichu? ¿Kay tapuykunaman kutichiyta atiwajchu?

¿Ima horaspitaj pascua corderota 14 nisán pʼunchaypi ñakʼakunan karqa?

Wakin Bibliaspi tijrachikusqanman jina “inti yaykupusqantawan”, nisunman niraj laqhayaykushajtin (Éxo. 12:6) (15/12, páginas 18, 19).

¿Bibliamanta ima yuyaychaykunataj waynasta allinta ajllanankupaj yanapanqa?

1) Diospa Reinonta, cheqan kaynintawan maskʼay (Mat. 6:19-34), 2) wajkunata sirvispa kusiyta tariy (Hech. 20:35), 3) Jehovata sirvispa kusiyta tariy ima (Ecl. 12:1) (15/1, páginas 19, 20).

Kay 1914 watamantapacha tawa caballospi lloqʼasqas llojsimojkuna, ¿mayqenkunataj kanku?

Jesusqa uj yuraj caballopi lloqʼasqa, Satanasta, supaykunasnintawan cielomanta wijchʼumorqa. Puka caballopi lloqʼasqa kajtaj guerraswan ninakun, mayqenchus runasta mayta ñakʼarichin. Yana caballopi lloqʼasqa kajqa yarqhaywan ninakun. Qʼellu caballopi lloqʼasqa kajtaj wañuchej onqoykunawan ashkha runasta wañuchin (Apo. 6:2-8) (1/2, páginas 6, 7).

¿Maykʼajtaj corderoj casamienton ruwakonqa? (Apo. 19:7.)

Atipaj Rey Jesucristo Jatun Babiloniata chinkachejtin, Armagedonpi enemigosninta atipajtin ima (15/2, página 10).

¿Imaraykutaj ñaupa judíos Mesías chayamunanta “suyasharqanku”? (Luc. 3:15.)

Mana yachanchejchu judíos Danielpa profecianta Mesías chayamunanmanta entiendesqankutachus manachus (Dan. 9:24-27). Ichá paykunaqa uj ángel michejkunaman rikhurispa willasqanmanta, chayri Diospa profetan Ana Jerusalén templopi Jesusta rikuytawan nisqanmanta yacharqanku. Chantá Jerusalenman chʼaskasta qhawaypi yachaysapa runas chayarqanku “maypitaj kashan judiospa reynin nacekojri?”, nispa (Mat. 2:1, 2). Chantapis Juan Bautista Cristo rikhurinanta nerqa (15/2, páginas 26, 27).

¿Imaynatá nisqanchejta juntʼasunman? (2 Cor. 1:18.)

Wakin kutis nisqanchejta ichá mana juntʼayta atillasunchu uj jatun llakiy rikhurisqanrayku. Uj contratota ruwarqanchej chaytaj, kallpachakunanchej tiyan juntʼanapaj (15/3, página 32).

¿Imaynatá khuchichakuykunata qhawaymanta jarkʼakusunman?

1) Khuchichakuykuna rikhurejtin usqhayllata wisqʼana, 2) imapichus tʼukurisqanchejta allinta qhawakuna: allin imaspi yuyana, Diosmantataj mañakuna, 3) imatachus ruwasqanchejta allinta qhawakuna: Internetpi khuchichakuymanta imasta, khuchichakuykunamanta peliculasta ima mana qhawanachu (1/4, páginas 10-12).

Qosa chayri warmi waj suyuman llankʼaj ripojtin, ¿ima chʼampaykunataj rikhurinman?

Tatas waj suyuman llankʼaj ripojtinku, wawas llakiypi rikukunkuman. Tatasninkupajpis phiñakunkuman. Waj llajtaman llankʼaj ripojtaj khuchichakuyman urmananpaj tanqasqa kanman (15/4, páginas 19, 20).

¿Imaraykutaj warkhusqa kajkunajta chakisninta pʼakiraj kanku?

Romanosqa wañuchisqa kanankupaj jina juchayojkunata kurkuman warkhoj kanku wañuchinankupaj. Judiosqa Jesuswan khuska warkhusqa kajkunajta chakisninkuta pʼakiranankuta mañarqanku. Chayta ruwajtinkutaj niña samayta atejchu kanku, usqhayllatataj wañoj kanku. Ajinamanta mana tukuy tutachu warkhusqa kaj kanku (Deu. 21:22, 23) (1/5, página 11).

Runasman willashaspa, ¿ima tapuykunapi tʼukurina tiyan?

¿Pikunaman willasaj? ¿Maypitaj runasman willasaj? ¿Ima horatataj willanay allin kanqa? ¿Imaynatá runasman parlariyman? (15/5, páginas 12-15).

¿Mashkha runastaj cigarrota pitasqankurayku wañunku?

Kay 1901-2000 watakama, 100 millones wañorqanku. Kunanpis sapa wata 6 millones jina wañunku (1/6, página 3).