¿Kay killasmanta Torremanta Qhawaj revistasta leerqankichu? ¿Kay tapuykunaman kutichiyta atiwajchu?

Ayata ruphachiyta, ¿imaynatá cristianos qhawanku?

Ayata ruphachiytachus, manachus sapa uj ajllanan tiyan. Biblia chaymanta mana sutʼita parlaspapis, willawanchej Saulpa ayan, Jonatanpa ayan ima ruphachisqa, tullusnintaj pʼampasqa kasqankuta (1 Sam. 31:2, 8-13) (15/6, página 7).

¿Imaraykú ninchej mana Diosmantachu sajra ruwaykuna jamusqanta?

Jehovaqa tukuy ruwayninpi cheqanpuni, cheqa sonqo, cheqa kajta ruwaj, jatun sonqoyoj, may khuyakuyniyojtaj (Deu. 32:4; Sal. 145:17; Sant. 5:11) (1/7, página 4).

Pisi willajkunalla kanku chayman ripojkuna, ¿ima chʼampaykunatá atipanku?

Paykunaqa 1) kapusqallankuwan kausakuyta yachakunku, 2) familiankuta faltachanku, 3) waj suyuman yachakunku. Ashkha hermanostaj, chayta ruwaspa ashkha bendicionesta japʼinku (15/7, páginas 4, 5).

¿Imaraykutaj Joseta hermanosnin wañuchiyta munarqanku?

Tatanku Jacob, Joseta astawan munakusqanrayku uj sumaj pʼachata ruwachiporqa. Chaymanta envidiakusqankurayku hermanosnin wata runa kananpaj vendeykorqanku (1/8, páginas 11-13).

¿Imaraykutaj mosoj tratados willamunapaj sumaj kashan?

Tukuynin kikin wakichisqas kasqankurayku. Sapa tratadopitaj uj texto, uj tapuy ima tiyan. Kutichiyninta 2 paginapi rikuchishaspataj, Bibliaj nisqanta rikuchisunman. Waj kutipi wasiyojwan parlarinapajtaj uj tapuyta saqesunman (15/8, páginas 12-14).

¿Imataj siríaca Peshitta?

Arameomanta rikhurej siríaco qallutaqa, 101-300 watas chaynejpi astawan parlakoj. Ichá Griegopi Qhelqasqasmanta wakinta siríaco qallumanraj tijrachikorqa. Siríaco qallupi kaj Bibliatataj Peshitta sutiwan rejsikun (1/9, páginas 13, 14).

¿Imaynatá cristiano tatas wawasninkuta yanapankuman?

Wawasninkuta allinta rejsispa, Diosmanta yachachispa, munakuywan yuyaychaspa ima. Chaytataj ruwankuman cheqa kajmanta iskayrayajtinku (15/9, páginas 18-21).

¿Diospa Reinon kamachimushajtin imastaj niña kanqachu?

Niña kanqachu onqoy, wañuy, guerras, yarqhay, wajchayay ima. Chantapis tukuy llankʼayniyoj kanqanku (1/10, páginas 6, 7).

¿Ima trato ruwakusqanraykutaj wajkuna Cristowan kamachimuyta atinku?

Jesusqa Señorpa Cenanta ruwaytawan cheqa sonqo yachachisqasninwan uj tratota ruwarqa. Chaytaj uj Reinopaj trato sutikun (Luc. 22:28-30). Kay tratotaj rikucherqa paykuna janaj pachamanta Cristowan kamachimunankuta (15/10, páginas 16, 17).

Satanás kasqantapuni rikuchej iskay textosmanta parlariy.

Bibliaqa Satanás, Jesuswan parlasqanta, juchaman urmachiyta munasqanta ima nin. Jobpa tiemponpipis Satanasqa Dioswan parlarqa. Kay imastaj rikuchin Satanás kasqantapuni (1/11, páginas 4, 5).

Santiagoqa Diospa ajllakusqan llajtamanta parlarqa, ¿pikunataj chay llajtamanta kanku? (Hech. 15:13, 14.)

Diospi creej judíos, mana judíos ima, paykuna Diospa “tʼukuna may sumaj ruwasqasninmanta” willanku (1 Ped. 2:9, 10) (15/11, páginas 24, 25).

¿Maypitaj Timgad kasharqa, imataj chaypi rikukoj?

Timgadqa Africaj pata ladonpi Roma suyoj ujnin llajtan karqa (kunantaj Argelia sutiyoj). Jallpʼata allajkunaj tarisqanku, chay llajtapi tiyakojkuna imapichus creesqankuta rikuchin. Chay tarisqanku nin: “Animalesta japʼiy, mayllakuy, pujllay, asirikuy ima, ¡chaymá kausayqa!”, nispa. Kaytaj Bibliaj nisqanman rijchʼakun (1 Cor. 15:32) (1/12, páginas 8-10).