CEDRO sachʼasqa jatuchaj, kʼachitus kanku. Olivo sachʼastajrí juchʼuysitus, nitaj kʼachituschu kanku. Jinapis olivo sachʼaqa tukuy imata aguantan, waranqa watasta jinataj kausan. Chantapis saphisnenqa manchay jatuchaj. Kʼutojtinkupis, saphisnin mana chʼakipojtenqa watejmanta ijimuyta atin.

Cheqa sonqo Jobqa yacharqa wañuspapis watejmanta kausarimunanta (Job 14:13-15). Payqa ichapis uj olivo sachʼamanta parlarqa, Jehová wañusqasta kausarichimunanpaj atiyniyoj kasqanpi atienekusqanta rikuchinanpaj. Pay nerqa: “Uj sachʼa kʼutusqa kaspa, atinraj ijimuyta”, nispa. Chʼaki tiempopi olivo sachʼaj kʼullun chʼakisqaña kajtinpis, paramojtenqa watejmanta ijimuyta atillantaj, “wawa sachʼajta jina ramasnenqa wiñamullan[puni]” (Job 14:7-9).

Imaynatachus uj olivo sachʼata plantaj runa, chay olivo sachʼa kʼutusqa kajtinpis watejmanta ijimunanta suyan, ajinallatataj Jehovapis kamachisninta, waj runasta ima wañuymanta kausarichiyta munashan (Mat. 22:31, 32; Juan 5:28, 29; Hech. 24:15). Mayta kusikusunchej wañupojkunawan kausarimojtinku tinkuspa, sumajta kausakushasqankuta rikuspa ima.