DIOSPA Llajtanta Kamachejkunamanta kajkunaqa sojta comisionespi tʼaqasqa kashanku. * Paykunaqa 1992 watamantapacha, chay sojta comisionespi yanapanankupaj ashkha watastaña ancianos jina llankʼaj hermanosta ajllanku. Chay ancianosqa “waj ovejas[manta]” kanku (Juan 10:16). Chantapis Diospa Llajtanta Kamachejkunaj tantakuyninkuman sapa semana rinku. Chaypitaj Diospa Llajtanta Kamachejkunaman imatachus ukhunchasqankuta rikuchinku, imaynatachus ruwakunanmantapis parlarinku. Chaywanpis imaynatachus ruwakunantaqa Diospa Llajtanta Kamachejkuna ajllanku. Yanapajkunataj chay ajllasqankuman jina ruwakunanpaj yanapanku. Paykunaqa ima llankʼayllatapis qojtinku, tukuy sonqo ruwanku. Chantapis Diospa Llajtanta Kamachejkunawan, jatun tantakuykunaman viajanku. Wakin kutistaj sucursalesta waturej rinku Jehovaj testigosninpa centralninkoj sutinpi.

Kay 1992 watamantapacha yanapaj hermanoqa tukuy sonqo llankʼasqan Diospa Llajtanta Kamachejkuna ruwayninkuta juntʼanankupaj yanapasqanta nin. Iskay chunka watastaña yanapakuspa llankʼaj hermanotaj, chay jina sumaj llankʼayta japʼiyta mana ni jaykʼaj yuyasqanta nillantaj.

Diospa Llajtanta Kamachejkunaqa chay cheqa sonqo yanapaj hermanosman ashkha llankʼaykunata qonku, llankʼayninkutapis may jatunpaj qhawanku. Noqanchejpis chay hermanosta “jatumpaj qhawa[nan]chej” tiyan (Fili. 2:29).