Ñawiriqkunapta tapuynin

¿Imaynatataq cristiano pescayta uywa wañuchiyta ima, qhawanan tiyan?

Bibliaqa uywa wañuchiyta pescayta ima, mana juchachanchu (Deuteronomio 14:4, 5, 9, 20; Mateo 17:27; Juan 21:6). Chaywanpis, kayta ruwaqkuna cristianosqa Bibliap kamachisqanta sumaqta reparananku tiyan.

Diosqa, Noeman mirayninman ima, uywasta mikhunankupaq wañuchinankuta saqirqa, chaywanpis yawarnintaqa pampaman suruchinanku karqa (Génesis 9:3, 4). Kay kamachiyqa, uywap kawsaynin Diosmanta jamusqanrayku, jatunpaq qhawananchikta niwanchik. Chayrayku cristianosqa uywap kawsayninta mana pisipaqchu qhawanku, nitaq kusikunallankupaqchu chayri asikunallankupaqchu wañuchinku (Proverbios 12:10).

Kunantaq, kaymanta parlaspaqa imachus sunqunchikpi kasqanmanta parlana kanman. Ichapis apostolesqa pescadores karqanku, achkhata japʼispataq maytachá kusikurqanku. Chaywanpis, sumaqta japʼiyta yachasqankumanta manachá jatunchakurqankuchu, nitaq atipanakunapaqjina chawllasta japʼiqchu kanku, nitaqchá qhari kasqankuta rikuchinankupaq chayta ruwaqchu kanku, chantapis manachá asikunallapaqchu uywasta qhatiykachaq kanku chayri qhasillata wañuchiq kanku (Salmo 11:5; Gálatas 5:26).

Chayrayku cristianoqa tapurikunan tiyan: “¿Jehovajinachu kawsayta jatunpaq qhawani? ¿Wañuchiyllamantachu chayri pescayllamantachu parlani, chayri chayllapichu yuyaynin kachkan? ¿Kawsayniypi uywa wañuchiyta munasqaytachu chayri Jehová Diosta yupaychasqaytachu rikuchini? Wañuchiq chayri pescaq risqaypi, ¿mana Diospi creeqkunawanchu tantakuni chayri familiata saqirpanichu?” (Lucas 6:45).

Mikhunapaq wañuchiqkunamanta ichapis wakinkunaqa, tantakuyta willayta ima, saqiyqa, wañuchinapaq temporada kachkaptin mana jucha kasqanta yuyankuman. Chaywanpis, tukuy imamanta Diospaq llamkʼayninchikta ñawpaqman churaspa, Diospi iñisqanchikta, paypi atienekusqanchikta ima, rikuchichkanchik (Mateo 6:33). Chantapis, manapis wakkuna Cesarpa kamachiyninta wañuchinapaq pescanapaq ima, kasukuptinku, cristianosqa kasukunanchik tiyan (Mateo 22:21; Romanos 13:1).

Uywa wañuchinamanta chayri pescaymanta parlaspaqa, ichapis wakinkuna Jehová yuyasqanmanjina, yuyayninkuta chiqanchananku tiyan (Efesios 4:22-24). Chaywanpis, wakinkunap imaynatachus yuyasqankuta jatunpaq qhawananchik tiyan. Kaykunamanta parlaspaqa Apóstol Pablop kʼamiyninta kasukuna kanman, pay nirqa: “Chayrayku amaña ujkuna ujkunata juzganakunachu, astawanqa sonqomanta churakuychej ama hermanota miskʼachinapaj, nitaj juchaman urmachinanpaj”, nispa (Romanos 14:13). Mana imata suyaspa munakuyqa, jatunpaq puraqmanta qhawanakuy ima, qutuman sunqu tiyasqa kayta apamunqa, kaytaq Ruwaqninchikman mayta kusichin, imaraykuchus pay tukuy uywasman kawsayta qun (1 Corintios 8:13). *

[Sutʼinchaynin]