Diospa Llaqtanta Kamachiqkuna, ¿imaynatá llamkʼanku?
Diospa Llaqtanta Kamachiqkuna, ¿imaynatá llamkʼanku?
DIOSPA Llaqtanta Kamachiqkunaqa, Diospa akllasqan kanku. Chantapis paykunaqa, allin kamachi yuyayniyuqmanta kanku, Diospa Palabranmanta yachachiykunatataq, hermanosninkupaq wakichinku, chantapis Jallpʼantinpi Diospa Reinonmanta willakunanpaq, umachanku (Mat. 24:14, 45-47).
Diospa Llaqtanta Kamachiqkuna jukchasqa llamkʼanankupaq, sapa miércoles tantakunku (Sal. 133:1). Kay junta directivataq, suqta comisionespi tʼaqasqa kachkanku. Diospa Reinonmanta llamkʼay ñawpaqman rinanpaq, sapa comisión juk llamkʼayniyuq kanku, chaymantataq kay uranpi astawan sutʼinchakun.
▪ UMACHAQKUNAMANTA COMISIÓN. Kay comisionpiqa, Diospa Llaqtanta Kamachiqkunamanta tukuy comisionesninmanta, umachaqkuna kachkanku, chantapis juk secretario nisqa kallantaq, chay secretariopis Diospa Llaqatanta Kamachiqkunallamantataq. Paykunap llamkʼayninkuqa, suqtantin comisiones allinta llamkʼanankupaq qhaway. Chantapis Jehovamanta sutʼinchaqkunapaq, jatuchaq chʼampaykuna rikhuriptin, qhatiykachaptinku, wak jatun llakiykuna kaptin ima, yanapanku.
▪ LLAMKʼAQKUNAPAQ COMISIÓN. Kay comisionpi hermanosqa, Jallpʼantinpi Betel wasispi llamkʼaqkunap, allinninkuta, Diospa llaqtanpi sinchi sayasqa kanankuta ima, qhawanku. Chantapis paykuna, Betel wasispi llamkʼaqkunata akllanku, waqyanku ima, chantá chay hermanospa tapuykunasninkuman, kutichinku.
▪ PUBLICACIONESPAQ COMISIÓN. Kay comisionpi kaqkunaqa, publicaciones ruwakunanta, jinataq Jallpʼantinpi qutuchakuykunaman apachikunanta, qhawanku. Chantapis Jehovamanta sutʼinchaqkunap, imprentasninta, kapuykunasninta ima, qhawanku. Jinallataq, Diospa Reinonmanta willakunallanpaqpuni qullqita churakusqanta, allinta apaykachakunanta qhawanku.
▪ WILLAYPAQ COMISIÓN. Paykunaqa, Jallpʼantinpi Diosmanta willakunanta qhawanku. Chantapis precursorespa, ancianospa, qutuchakuykunata watukuqkunap llamkʼayninkuta ima, qhawanku. Kay Reinomanta Willayninchikta wakichinku. Escuela de Galaad, Escuela de Entrenamiento Ministerial nisqaman ima, hermanos rinankupaq, waqyanku.
▪ YACHACHIYPAQ COMISIÓN. Paykunaqa, yachachiy, jatun tantakuykunapi, jinallataq qutuchakuykunapi, sutʼinchakunanta qhawanku. Chantapis Betel wasispi llamkʼaqkunapaq, Gaaladman riqkunapaq, escuela de precursor nisqapaq ima, imachus yachachikunanta qhawanku, chantapis videosta, casetes, CD, nisqata ima, wakichinku.
▪ QILLQAQKUNAPAQ COMISIÓN. Paykunaqa, Diospa llaqtanpaq yachachiyta qillqanku, chantapis chay yachachiy hermanosman, wak runasman ima, chayananta qhawanku. Bibliamanta tapuykunata ruwaptinku, paykuna kutichinku. Chantapis ima yachachiytachus urqhukunanta, ninku, chaykunamanta kanman dramas chayri bosquejos. Jallpʼantinpi, publicaciones juk qallumanta wak qalluman tikrakuchkasqanta, qhawallankutaq.
Apóstol Pabloqa, akllasqa cristianosta, runap cuerponwan kikincharqa. Cuerpop tukuy imasnin, sapa juk ruwanayuq kanku. Kikillantaq akllasqa cristianosqa, Diospa kamachisqanta juntʼanankupaq munakuywan, khuska yanapanakuspa ima, llamkʼachkanku (Rom. 12:4, 5; 1 Cor. 12:12-31). Jesucristotaq, paykunap umankujina. Chayrayku paykuna, yanapanakuspa, jukchasqa llamkʼanankupaq ima, Jesús, Diospa yachachiyninwan yanapan (Efe. 4:15, 16; Col. 2:19). Jinamanta Diospa Llaqtanta Kamachiqkunaqa, espíritu santop yanapayninwan, Diospa Reinon Jallpʼantinpi willakunanpaq, llamkʼachkanku.