Juk sumaq pʼunchay

¿Ima pʼunchaymantataq parlachkanchik? Ima pʼunchaychus Jesús wañupusqanmanta. ¿Imaraykutaq chay juk sumaq pʼunchay karqa?

Imaraykuchus chay pʼunchaypi Jesusqa, wañunankama Diosman chiqa sunqu kaspa, tukuypis may jatun ñakʼariypi kachkaspapis Diosman chiqa sunqu kayta atisqanchikta rikuchirqa.

Chantapis Jesusqa, wañuyninwan juk ñanta kicharirqa wakin runas janaqpachaman paywan khuska kamachimuq rinankupaq, wakinkunataq Jallpʼapi wiñaypaq juk paraisopi kawsakunankupaq.

Wañunan pʼunchaymanta ñawpaq chʼisi Jesusqa, mana levadurayuq tʼantata discipulosninman jaywarqa, chantá vinotapis jaywallarqataq, jinamanta runasrayku cuerponta qunanta, yawarnin jichʼasqa kananta ima rikuchirqa, nirqataq: “Kayta ruwaychej noqamanta yuyarikuspa”, nispa (Lucas 22:19). Qamrí, ¿Jesús kay nisqanta ruwankichu?

Kay watapi Jehovamanta sutʼinchaqkunaqa, abril killapi jueves 9 pʼunchaypi, inti yaykupusqantawan Jesuspa wañuyninta yuyarinankupaq tantakunqanku. Qamtapis kay tantakuyman waqyarisunku. Llaqtaykimanta Jehovamanta sutʼinchaqkunata tapuriwaq maypichus, ima horapichus chay tantakuy ruwakunanta.