“Cristianosman tukuq ñawpa filosofosqa, runa wañuputin alman kawsachkaq qhipakusqanta yachachiyta griegosmanta japʼikurqanku. Chay filosofosqa maypachachus juk warmi wiksallikuptin, chaypacha Dios chay warmip wiksanpi kaq wawitapaq juk almata ruwapusqanta, ruwapusqantawankamataq chay wawitaman chay almata qusqanta ima yuyaq kanku.” (The New Encyclopædia Britannica, 1988.)

“Tucuy alma Diosmanta sutʼinchajta mana uyarejka, runacuna chaupimanta wañuchiska canka.” (Hechos 3:23, Mosoj Testamentoj.)

Bibliaqa, Dios imaynatachus ñawpaq kaq runata ruwasqanmanta jinata nin: “Chantá Tata Diosqa runata ruwarqa ñutʼu jallpʼamanta, senqanmantaj kawsay samayta samaykorqa. Ajinamanta runaqa kawsayta qallarerqa [‘chantá runaqa kawsaq alma karqa’, NM]” (Génesis 2:7).

“Alma” rimaypaq hebreo simipi néfesch nisqa rimayta uqharikuq; kay rimaytaq “samayta atiq” niyta munan. Jehová, Adanta ruwachkaspa mana cuerponman juk almatachu churarqa, manaqa, sinqanman kawsay samayta samaykurqa, pay kikin kawsachkaq alma kananpaq. Chayrayku Bibliaqa almamanta parlaspa, kawsachkaq runallamantataq parlachkan. Chantá ¿imataq pasan juk alma chay kawsay samayta chinkachiptin? Chay almaqa wañupun (Génesis 3:19).

Runa wañupuptin alman kawsachkaq qhipakusqanta yachachiy rikhurichkaptinqa, kay wak tapuykuna rikhurillarqataq: ¿wañupuqpa alman maymantaq ripun? ¿Saqra runaspa almanku maymantaq rin? Kay tapuykunaman kutichinankupaq yachayniyuq runasqa, wak llulla yachachiyta rikhurichirqanku: saqra runaspa almasninku infiernopi ñakʼarichkasqankuta.

Kay pʼitip nisqanpi tʼukuriy: Eclesiastés 3:19.