Tukuypaq juk sumaq umallirichiy

¿Maykʼaqtaq allinpi, ni imamanta llakikuspa kawsakusun?

Runaqa, may unaymantapachaña allin kawsayta maskʼachkan, manataq chayjina kawsayta tariyta atinchu. ¿Imarayku? Bibliaqa, imaraykuchus runa allin kawsayta mana tariyta atisqanta, iskayniqmanta sutʼinchan, chantá imaynatachus Jehová Dios tukuy runaspaq allin kawsayta apamunanta sutʼinchallantaq.

¿Maykʼaqtaq Jehová Dios allin kawsayta apamunqa? ¿Imatataq ruwananchik kanman chay kawsayta tarinanchikpaq? Kay tapuykunaman juk sumaq umallirichiypi kutichikunqa, sutichakuntaq: “¿Maykʼaqtaq allinpi, ni imamanta llakikuspa kawsakusun?”. Kay umallirichiytaq, 2010 abril killamanta 18 pʼunchaypi, Jallpʼantinpi iskay pachak kimsa chunkamanta astawan suyuspi, Jehovamanta sutʼinchaqkunap Tantakuna Wasinkupi, umallirichikunqa. Llaqtaykimanta Jehovamanta sutʼinchaqkunata tapuriwaq maypichus, ima horapichus chay tantakuy ruwakunanta. Chay tantakuyman rinaykipaq waqyarisuyku.