4. Familiapi munakuy chinkapuchkan

“Runasqa kay jina kanqanku: [...] mana sunquyuqkuna.” (2 TIMOTEO 3:1-4)

● Chrisqa, Gales llaqtapi familiasta yanapanapaq institucionpi llamkʼan. Pay nin: “Juk pʼunchay manchay maqasqa warmi jamurqa, manataq riqsiyta atirqanichu. Wak warmistaq yanapata maskʼaq jamuspa may estropeasqa kasqankurayku ni pita qhawayta munaspa kʼumuykachasqalla purinku” nispa.

¿IMATAQ YACHAKUN? Africap juknin suyunpi sapa chunka warmismanta kimsa warmisllatapis wawallaraq kachkaptinku abusarqanku. Chay suyullapitaq sapa kimsa qharismanta jukllapis, warminta maqayta mana saqrapaqchu qhawan. Mana warmisllachu maqachikunku. Canadá suyupi sapa chunka qharismanta kimsallapis warmisninkuwan maqachikunku, estropeachikunku ima.

¿IMATÁ WAKIN YUYANKU? Unaymantapacha familia ukhupi maqanakuy karqapuni, kunantaq chaymanta astawan parlakun chaylla.

YUYASQANKU, ¿CHIQACHU? Kay qhipa tiempospi achkha runas maqanakuy mana allinchu kasqanta niptinkupis, ¿maqanakuy pisiyanchu? Mana. Familia ukhupi munakuyqa astawanraq chinkapuchkan.

¿IMATÁ YUYANKI? Kay 2 Timoteo 3:1-4 nisqanmanjina, ¿juntʼakuchkanchu? Familiankupi munakuy, ¿chinkapuchkanchu?

Bibliap phichqa kaq profecian Jallpʼanchikmanta parlan, kunan juntʼakuchkasqanta rikullanchiktaq. Biblia imatachus chaymanta nisqanta qhawarina.

[7 paginapi sutʼinchaynin]

“Kay tiempopi runasqa familiapi maqanakuykuna kasqantaqa pakanku. Juk warmi kimsa chunka phichqayuq kutistaraq qusanwan maqachikuspa policiaman apachin.” (GALES LLAQTAMANTA FAMILIASTA YANAPANAPAQ INSTITUCIONPI LLAMKʼAQ)