5. Kay pachata tukuchichkanku

“[Dios] kay pachata tukuchejkunatapis tukuchin[qa].” (APOCALIPSIS 11:18, Qheshwa Biblia)

● Pirri sutiyuq runa, palmerasmanta vinota tantaspa Kpor (Nigeria) llaqtapi ranqhan, achkha petroleota Níger mayusman jichʼakusqanrayku, palmera sachʼasta chʼakichin. Llakisqa nin: “Challwasta wañuchin, unquchiwayku, mayusniykutapis chʼichichan. Manataq wakjinamanta llamkʼayta atinichu”, nispa.

¿IMATAQ YACHAKUN? Yachayniyuq runasqa, sapa wata suqta millones khuskanniyuq toneladas qʼupata mama quchaman wikchʼukusqanta ninku. Chay qʼupamanta khuskantaq plásticos, kaytaq pachak watasmanta astawan unaypiraq chinkanqa. Runasqa Jallpʼata mana chʼichichachkallankuchu, manaqa ni jaykʼaqjina kapuyninta tukuchichkanku. Yachaq runasqa, jallpʼa imastachus chunka qanchisniyuq killaspi puquchisqanta, chunka iskayniyuq killasllapi runas tukukapusqankuta ninku. Australia suyumanta juk periódico Sydney Morning Herald sutiyuq nin: “Runas, imastachus necesitasqanku ima kay 2035 watapaq yapakullanqapuni chayqa, iskay Jallpʼastajina necesitasunchik”.

¿IMATÁ WAKIN YUYANKU? Runaqa may yuyayniyuq kasqanrayku Jallpʼata allinchayta, salvayta ima atin.

YUYASQANKU, ¿CHIQACHU? Grupos ecologistas nisqa, wak runas ima, Jallʼpata jarkʼanapaq mana saykʼuspa yuyaychaptinkupis, ni jaykʼaqjina Jallpʼata chʼichichakuchkallanpuni.

¿IMATÁ YUYANKI? Jallpʼata allinchanapaq Dios nisqanmanjina, ¿yanapayninta necesitanchikchu?

Kay phichqa profeciasta ukhunchasqanchikmantaqa, Biblia kay qhipa tiemponchikpi sumaq ruwaykuna juntʼakunanta nillarqataq. Jukninta qhawarina.

[8 paginapi sutʼinchaynin]

“Kʼacha huerta kapuwasqanmanta, qʼupa wikchʼunaman tukun.” (ERIN TAMBER, ESTADOS UNIDOS COSTA SUR NISQAPI TIYAKUQ 2010 WATAPI PETRÓLEO JICHʼAKUSQANRAYKU NIRQA)

[8 paginapi recuadro]

¿Dioschu juchayuq?

Bibliapi ñawpaqmantaña ñakʼariy kawsaymanta parlasqan, ¿Dioschu juchayuq kasqanta nisunman? Kay ¿Imatapunitaq Biblia yachachin? libromanta 11 yachaqananpi kutichiyninta tarinki. Kaytaqa Jehovamanta sutʼinchaqkuna urqhunku.

[8 paginapi maymantachus foto urqhukusqan]

U.S. Coast Guard photo