Kay Torremanta Qhawaj revistaqa, 1879 watamanta, julio killamantapacha llojsiyta qallarerqa. Chay watamantapachataj tiempoqa manaña kikinchu, kay revistapis jinallataj (patapi kaj fotosta qhawariy). Kay killamantapachataj kay Torremanta Qhawaj revistaqa, manaña ñaupajta jinachu kanqa. ¿Imastaj waj jinamanta kanqa?

Ashkha suyuspi runasqa, imamantapis astawan yachayta munaspa Internetpi maskʼanku. Internetllapi llojsej imastaqa, usqhayllata tarinku. Internetpeqa, librosta, revistasta, periodicosta ima leeyta atikun.

Ashkhas Internetpi leeyta mayta munasqankurayku, Internetpi kay www.pr418.com/es, nisqata astawan maskʼayta atinapaj jina ruwayku, chantapis runa chayman yaykuyta munananpaj jina. Kay www.pr418.com/es, nisqapi, Bibliamanta orqhosqa publicacionesta 430 kuraj qalluspi leeyta atikun. Kay killamantapachataj Torremanta Qhawaj revistaj wakin yachaqanasnenqa Internetllapiña llojsenqa. *

Tukuypaj orqhosqa Torremanta Qhawaj revistaqa, kay killamantapacha manaña 32 paginasniyojchu llojsenqa, manaqa 16 paginasniyojllaña, wakin yachaqanas Internetllapiña orqhokushasqanrayku. Kay revistaqa, 204 qalluspi orqhokushan. Pisi paginasniyojllaña kasqanraykutaj ichá astawan ashkha qalluspi orqhokonqa.

Chaytaj, Bibliapi salvacionmanta parlakusqanwan astawan runasman chayanaykupaj yanapanawaykuta munayku. Cheqa yachachiykunata sutʼita kay revistanejta, Internetnejta ima orqhollasqaykupuni, publicacionesniykuta leejkunapaj, pikunachus Bibliata jatunpaj qhawanku, imatapunichus yachachisqantataj yachakuyta munanku.

Qhelqajkuna