Biblia nisqaman jina iskay imasrayku. Ñaupaj kaj, runas jatun imasta ruwajtinkupis, mana kausayninkupi imatapis sapallankumanta ruwanankupajchu ruwasqa kanku. Iskay kaj, tukuy runas “Kuraj Supaypa atiynimpi” kashanku. Chayrayku allin kausayta mana apamuyta atinchu. (Jeremías 10:23; 1 Juan 5:19 leey.)

Jallpʼantinpi allin kausay kananpajqa, paykunallapaj imatapis munaj runas chinkananku tiyan. Chantapis uj gobiernolla kamachinan tiyan. Chaytaj runasta allin kajta munakuyta, wajkunamanta llakikuyta ima yachachinan tiyan. (Isaías 32:17; 48:18, 22 leey.)

Tukuy Atiyniyoj Diosqa, runaj gobiernonta tukuchispa, uj gobiernollata Jallpʼantinpi sayachinanta nin (Daniel 2:44). Chay gobiernoj reynintaj, Wawan Jesús kanqa, pitachus Biblia “Allin Kawsayta Apamoj Rey”, nispa sutichan. Payqa sajra kajta chinkachenqa, runasmantaj allin kausayta yachachenqa. (Isaías 9:6, 7; 11:4, 9 leey.)

Kay tiempopi may chhika runas, Cristoj kamachiyninpi kashanku. Bibliaj yanapayninwantaj, wajkunata runa masinkuwan allinpi kausakuyta yachachishanku. Arí, pisimantawan Jallpʼantinpi allin kausay kanqapuni. (Isaías 2:3, 4; 54:13 leey.)