Qhariwarmi kausaytaqa, Jehová Dios qallaricherqa. Chayrayku Bibliapi yuyaychasqanqa, casarasqas kusisqa kausakunankupaj yanapayta atin. Bibliaqa, casarasqas sumajta kausakunankupaj, ima kʼacha kaykunatachus wiñachinankuta, imastachus mana ruwanankuta ima yachachin. Chantapis imaynatachus parlarikunankuta sutʼinchan. (Colosenses 3:8-10, 12-14 leey.)

Qhariwarmeqa, purajmanta jatunpaj qhawakunanku tiyan. Dios sapa ujman imatachus kamachisqanta juntʼajtinkutaj, kusisqa kausakuyta atenqanku. (Colosenses 3:18, 19 leey.)

Casarasqas ujchasqallapuni kanankupajqa, munanakunanku tiyan. Diosqa imaynatachus munakunata yachachiwanchej. Pay, Wawan Jesucristo ima, ni pi jina wajkunata munakusqankuta rikucherqanku. (1 Juan 4:7, 8, 19 leey.)

Casarasqas, qhariwarmi kausayta Dios qallarichisqanta mana qonqajtinku, ujchasqallapuni kanqanku. Diosqa familias ujchasqa kanankupaj, casarasqas mana tʼaqanakunankuta munan. Chantapis qharita, warmitawan, purajmanta munanakunankupaj, yanapanakunankupaj ima ruwarqa. Chayrayku wiñaypaj ujchasqas kausakuyta atinkuman. Diospa rijchʼayninman jina ruwasqa kasqankuraykutaj, Pay jina munakuyta atinku. (Génesis 1:27; 2:18, 24 leey.)