May chhika runas, cieloman ripuyta munanku. Chaywanpis Jesusqa, cheqa sonqo apostolesnin chayman rinankuta nerqa. Niraj wañupushaspa, Tatan kashan chaypi uj cheqata paykunapaj wakichinanta nerqa. (Juan 14:2 leey.)

¿Imarayku wakin runas cielopi kausanapaj jatarimonqanku? ¿Imatá chaypi ruwanqanku? Jesusqa apostolesninman reyes kanankuta nerqa. Kay Jallpʼatataj kamachinanku karqa. (Lucas 22:28-30; Apocalipsis 20:4 leey.)

Tukuynin llajtaspi, pisi runaslla kamachinku. Ajinallatataj Jallpʼatapis pisi runaslla kamachenqanku. Paykunatataj Jesús ajllan (Lucas 12:32). Bibliaqa mashkha runaschus Jesuswan khuska cielomanta kamachinankuta nin. (Apocalipsis 14:1 leey.)

Pisi runaslla cieloman rejtinkupis, waj tʼinka kallantaj. Jesús kamachishajtin, kasukoj runasqa paraíso Jallpʼapi wiñaypaj kausanqanku (Juan 3:16). Paykunamanta wakenqa, kay sajra pachaj tukukuyninmanta salvakonqanku. Wakinkunataj wañuymanta kausarimojkuna kanqanku. (Salmo 37:29; Juan 5:28, 29 leey.)