Jesusqa 33 watapi, wañorqa, kausarimorqa, janaj pachamantaj riporqa. Ashkha watasninmantaj rey jina sutichasqa karqa (Daniel 7:13, 14). Aswan qhepamanqa, allin kausayta apamonqa, wajchayaytapis chinkachenqa. (Salmo 72:7, 8, 13 leey.)

Jesusqa, Jallpʼata kamachishajtin kʼacha imasta ruwanqa. Tatanpa atiyninwantaj runasta mana juchayoj kanankupaj yanapanqa. Jallpʼapeqa, tukuy kusisqa kausakusun, mana machuyaspa, nitaj wañuspa. (Juan 5:26-29; 1 Corintios 15:25, 26 leey.)

Kamachisninta yanapashan Jallpʼantinpi willanankupaj. Paykunaqa, Diospa Reinonmanta yachachinankupaj runasta visitarinku. Jesusqa, Diospa Reinon kay pachapi kamachejkunata chinkachinankama, kamachisninwan kananta nerqa. (Mateo 24:14; 28:19, 20 leey.)

Jesusqa, Diospa llajtannejta runasta allinta kausanankupaj yanapashan. Chantapis kay pacha chinkachisqa kashajtin, Diospa mosoj pachanpi ima yanapallanqataj. (2 Pedro 3:7, 13; Apocalipsis 7:17 leey.)