Diosqa runaswan parlarqa espíritu santonnejta. Jinamanta Bibliata qhelqajkunata yuyaycharqa Paypa nisqasninta qhelqanankupaj (2 Pedro 1:20, 21). Chayrayku Diosta allinta rejsisunman Palabranta leespa. (Juan 17:17; 2 Timoteo 3:16 leey.)

Diosqa, Biblianejta paymanta tukuy imata willawanchej. Nintaj imaraykuchus runasta ruwasqanta, imatachus runasrayku ruwananta, imaynatachus kausakunanchejta munasqantapis (Hechos 17:24-27). Jehová Diosqa munan cheqa kajta rejsinanchejta. (1 Timoteo 2:3, 4 leey.)

Jehovaqa cheqa kaj Dios. Wawan Jesucristotataj chayta yachachinawanchejpaj kachamorqa. Chayrayku cheqa kajta maskʼajkunaqa Jesuspa yachachisqanta japʼikunku (Juan 18:37). Diosqa chay jina runas Payta sirvinankuta munan. (Juan 4:23, 24 leey.)

Satanasqa runasta llulleriosninwan chʼaukiyan Diosta mana rejsinankupaj (2 Corintios 4:3, 4). Cheqa kajta mana yachayta munajkunataj llulla yachachiykunallata creenku (Romanos 1:25). Kay tiempopitaj may chhika runas cheqa kajta yachanku Bibliamanta yachakuspa. (Hechos 17:11 leey.)