Ñapis 2023 wataqa qallarinña. Tukuytaj munanchej allin kajtapuni noqanchejpaj, familianchejpajpis. ¿Imaraykutaj allin imas kananta suyakusunman?

 Bibliapeqa sumaj willaykuna tiyan, niwanchejtaj kay tiempopi kaj problemasqa uj tiempollapaj kasqanta, pisimantawantaj tukukapunanta. Chantapis Biblia nillawanchejtaj: ‘Ñaupa tiempopi qhelqakusqanqa, yachachinawanchejpaj qhelqasqa karqa. Diosmanta Qhelqasqaqa sonqochakunapaj yanapawanchej’, nispa (Romanos 15:4).

•    Bibliaj nisqanmanta astawan yachakuyta munanki chayqa, “La esperanza real de un mañana mejor” nisqa yachaqanata leeriy.

 Biblia qowanchej “chay suyakoyqa kausayninchejpaj barco sayachina gancho jina” (Hebreos 6:19). Chay suyakoyqa yanapawanchej llakiykuna kajtin mana llakiywan atipachikunapaj, allin imas kananpipuni yuyanapaj, kusisqastaj kanapaj. Imaynatachus wajkunata chay yanapasqanta yachakuna.

•    Biblia suyakuyta qowasqanchejqa uj runata yanaparqa vicionta saqenanpaj. Chaymanta astawan yachanaykipaj Manaña machaj runa kayta munarqanichu nisqa videota qhawariy.

•    Biblia suyakuyta qowasqanchejqa pinillanchejpis wañupojtin sonqochawasunman. Chaymanta astawan yachanaykipaj Llakisqa kajkunata sonqochanapaj nisqa videota qhawariy.

 Ashkha runasqa suyakunku tukuy imapis allinyananta, jinapis chay suyakusqankoqa qhasilla. Bibliaj nisqanwantajrí mana jinachu. ¿Imarayku? Imaraykuchus Jehová a Bibliata qhelqacherqa, paytaj nisqanta juntʼanpuni. Payqa ‘mana jaykʼaj llullakoj Dios’ (Tito 1:2). Jehovalla atiyniyoj tukuy ima nisqanta juntʼananpaj, paylla “imatachá munan chay tukuy imata ruwan” (Salmo 135:5, 6).

 Biblia ima suyakuytachus qowasqanchejpi atienekuyta atinchej. Bibliaj nisqasninpi astawan atienekunaykipajtaj, ‘Diosmanta Qhelqasqata allinta estudiay’ yanapasunkiman (Hechos 17:11). ¿Imaynatachus Bibliamanta gratislla yachachisqaykuta yachayta munawajchu? 2023 watata kusiywan qallariy.